Nadela: Dalaygong mga bata, magtutudlo

Sunday, August 29, 2010

NAKAKITA siguro mo sa akong report sa TV Patrol Central Visayas labot niadtong mga tinun-an nga nagtambong og klase taliwa sa gibahan nga classroom. Nahitabo kini sa miaging semana sa Vicenta E. Manreal Elementary School sa Barngay Pook, Talisay City.

Nakadawat ko og daghang text ug lainliang opinyon labot sa mapait nga kahimtang sa mga bata og sa ilang magtutudlo.

Have something to report? Tell us in text, photos or videos.

Sa mga wa makakita mao ni ang sitwasyon. Sa maong eskwelahan mibanaw ang tubig sa palibot. Busa kinahanglan pa nga moubog sa tubig ang mga bata aron makabot sa ilang classroom. Usa sa mga classroom nga among nakuhaan og video nagpakita kung unsa ka dako sa determinasyon sa mga bata nga makapadayon sa klase bisan kong ang ilang mga tiil nahumol sa tubig. Ang ila sab nga maestra kinahanglan pa nga mopatong sa lingkoranan aron mapadayon ang klase.

Updates on President Benigno Aquino III's presidency

Dunay nagsugyot nga i-ipon na lang unta sa laing classroom nga mabaha-i ang mga bata aron di mag—antos. Laing sugyot, suspensohon ang klase. Nia ang tubag basi sa akong obserbasyon.

Sa kadaghan sa mga bata lisod nga usahon ang klase sa laing classroom. Di sab mahimong suspensohon ang klase kay maiwit na ang mga bata sa leksyon. Ang gihimo sa magtutudlo ug sa mga bata sakto.

Pagmatuod kini nga dinhi sa Pilipinas, gipasagdaan sa atong gobyerno ang edukasyon. Ang atong mga politiko nga makalingkod sa puesto maayo lang sa pasalig panahon sa kmpanya nga kuno ang edukasyon maoy nagbinugtong nga hinagiban pagbatok sa ka kabos.

Nihit daw ang kuwarta pagpatukod og classroom nga di masanpn sa tubig. Pero kong imong iphon ang mga skywalk nga wa gyud magmit, pila kaha ka classroom ang mapabarug kong didto pa ihapak ang kuarta. Pila laha ka kilometro nga kanal ang napalawman og pila ka drainage system ang natukod kong gitarong pa lang og gamit ang pundo sa gobyerno.

Kinahanglan pa ba nga moubog sa tubig ang mga bata aron makakab-ot og edukasyon? Sayod tang tanan nga ang mga anak sa atong mga lider bisan tinulo nalang sa ulan, di gyud na sila mabasa. Kay wa may anak nga moreklamo nga nabahaan ang ilang mga exclusive nga eskwelahan mao nga ang atong mga lider kuwang kaayo sa gugma pagsulbad ning maong problema. Mosulbad man gani taphaw sab kaayo.

Ayaw na lang ta anang pagarpar, “ako kabos kaayo mao nga naningkamot ko nga makahuman sa pagtuon busa karon nia ako sa inyong atubangan magpapili aron haw-ason kamo sa kalisod.” Asa ka lisod?