WA mo mahibulong nganong wa gyud masumpo kining pagpanaygon diha sa karsada. Wa ba sab mo mahibulong nganong baskog kaayog lawas ang mga nanaygon bisan pa man tuod kon kadaghanan kanilamga bata pa.

Sa atong pagka Kristiyano di gyud kalika-yan nga dunay mga higayon nga modugo ang atong kasingkasing nga magtan-aw sa mga bata nga nanaygon sa mga sakyanan.

Sun.Star accepts donations for victims of Typhoon Ondoy

Wa ni sila’y gipili, pribado man o jeep de pasahero-an ilang day-gonan. ang problema lang kay gawas nga risgo kaayo alang sa mga motorista, nahadlok sab ang uban basin dunay dautang tuyo ang konohay nanaygon sa karsada.

Ibutang ta lang nga panaygon ra gyud ang ilang tuyo, unsa man sab ang atong kasiguro-an nga di masud-lan og mga badlongon ang ilang gru-po. Ang mga snatcher ma-kamao sab magpraktis og kanta unya kunohay manaygon diha sa karsada.

Samtang magsigi og sing-al og jingle bell ang mata nag-sigi sab og li-raw liraw nangita og mabunlot nga bag, cellphone, kwentas, relo ug bisan unsa nga mahalong butang. Mao nga mentras tanto nga wa pa ni mahitabo atong suportahan kining kampanya nga nagdili niining pagpanaygon diha sa karsada.

CITY HALL

Bisan asa nga local government unit mahimong modakop niining mga nanaygon sa karsada kong basihan nato ang pamahayag gikan sa DSWD kinsa nag-ingon nga kadto lang dunay mga permit ang makapanaygon apan di mahi-mo nga anha sa mga sakya-nan.

Ang pasabot sa permit mao kadtong mga grupo nga gustong makatigom og dakong kantidadkay duna silay proyekto nga gustong ipatuman nga makaayo sa katawhan.

Apan kining atong nasaksihan ang ilang tiyan ra man maoy mabulahan.

Mao ni ang pagduda sa uban nganong di gyud mapu-o kining mga manaygon sa karsada. Di kaha ni apil gihapon sa raket nga ipangladlad og mabuntag, hiposon unyag kagabii dayon bahinon ang kinitaan. Duda man lang ni pero mas maayo tingale nga susihon ni sa kapulisan.

DUOL NA

Sa akong listahan 47 ka adlaw na lang ang paaboton Pasko na!

Kamo naglista ba sab mo? Ang akong higala nga family driver naglista kay panahon daw nga magkaduol na ang pasko, magkadaghan ang iyang byahe og magka dugay ang iyang paggarahe.

Sa ato pa ang iyang amo busy kaayo sa dag-hang lakaw.

Sakto man hinuon sa suweldo apan pulong sa akong higala, ang nakanindot sa iyang amo kay di limtanon.

Ang iyang gipasabot di gyud ni makalimot paghatag kaniya sa 13th month pay ug Christmas bonus matag Disyembre. Wa pa ni labot sa pinutos nga di latang pagkaon og usa ka sakong bugas.