Nahimangod sa Ombud

Monday, March 22, 2010

NADISMAYA ang kampo ni Liberal Party mayoral candidate Efrain Pelaez sa Lapu-Lapu City sa Ombudsman Visayas human wa hatagi og pagtagad ang ilang mga gisang-at nga reklamo.

Apil sa gipasakaan sa maong reklamo, gawas ni incumbent mayor Arturo Radaza, mao si Konsehal Junard ‘Ahong’ Chan, mayoral candidate sa Nacionalist People’s Coalition (NPC) may labot niadtong reklamo sa ghost payroll diha sa city hall.

Have something to report? Tell us in text, photos or videos.

Gibutyag ni Pelaez atol sa press conference kagahapon sa buntag nga tulo na ka tuig ang nilabay human sa ilang pagduso sa reklamo kabahin sa ‘anomalous government payrolls’.

Click here for Election 2010 updates

Nipakita siya og dokumento diin adunay kawani sa Brgy. Basak nga gipakobra sa iyang honorarium sa di na husto nga kantidad sukwahi sa natala sa payroll.

Ingon man niadtong mga sakop sa Clean and Green kinsa nagdawatan og P1,500 ang buwan, P500 ray itunol ngadto nila. “If the intention is to give the money ngadto sa ubang barangay, why hide it?,” tipik sa pamahayag ni Pelaez.

Ang kalangay sa pagtubag sa buhatan sa Ombudsman nakadismaya sa mga ‘graft watch unit’ ilabi na niadtong nakontrobersiyal nga computer scam ug lamp post nga hangtod karon wa pa gihapoy resulta. (FVQ)