Nakonsensya mitahan

Friday, March 12, 2010

GIHAMOK sa iyang tanlag ang lolo nga nitigbas patay sa igsuon sa iyang umagad hinungdan nga siya nitahan sa kapulisan sa dakbayan sa Lapu-Lapu.

Ang suspek nga si Felix Lupanggo nitahan ngadto kang PSSupt. Vicente Loot sa lungsod sa Daanbantayan niadtong Huwebes.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

Bisan nga layo na og giabtan si Lupanggo sa iyang pagtago-tago, wa kini papahuwaya sa iyang konsensiya human nga iyang napatay si Virginia Igot, 35, minyo, taga-Basak Eskuwelahan, Lapu-Lapu City.

Sigon sa hulagway sa mga nakakita nga diriyot mapunggoti sa iyang ulo si Igot sa dihang gitigbas ni Lupanggo sa makadaghang mga higayon ginamit ang 18 pulgadas nga gitas-on sa sundang niadtong Marso 3 sa sayo sa buntag.

Sigon sa pamahayag ni Lupanggo ngadto sa Homicide investigator nga nalimot siya sa iyang kaugalingon niadtong higayuna.

Ang kapungot maoy naghari dihang iyang nakita nga niagi sa iyang nataran ang biktima. Ang pamilyang Igot ug Lupanggo aduna nay panagbingkil niadtong 2006 sa dihang gikasal ang anak nga babaye ni Lupanggo sa igsuon ni Igot. (FVQ)