Nalzaro: Ang “mea culpa” ni Noynoy
Monday, September 6, 2010
More Sections
HUMAN sa grabeng mga pagsaway labi pa sa international community gumikan sa bulilyaso ug palpak nga rescue operation sa hostage taking incident duha ka semana na ang nakalabay, gi-angkon ni Pres. Noynoy Aquino III ang responsibilidad.
Mea culpa.
Have something to report? Tell us in text, photos or videos.
(Akong gi-angkon). Mas maayo kay nakahuna-huna ang Presidente niini. Kay sa dihang una siyang gipanguyoan og pamahayag atol sa iyang press conference pipila ka oras human sa maong dugu-ong hitabo, nagdumili man siya sa pag-angkon dala ang pagbasol sa media.
Updates on President Benigno Aquino III's presidency
Kay ang coverage sa media labi pa sa telebisyon ang naka-ingon ug nakapatukmod ni Senior Inspector Rolando Mendoza nga ihawon ang walo sa dose niya ka mga bihag nga mga Hong kong tourists.
Kini human makita ni Mendoza nga gibinaboy ang iyang igsuong pulis sa mga kaubanan niini sa dihang misuway kini pag-negotiate kaniya. Pero lagi kana nga nahimo lang shock absorber ang media kay wala man maayo pagkahawid sa mga kadagkuan sa kapulisan ug sa DILG ang maong hostage crisis.
IMBESTIGASYON
Sa nagpadayon nga senate hearing sa maong insidente ug ingon man sa investigation committee sa Department of Justice, nasuta nga aduna gayod diay mga opisyal sa Philippine National Police (PNP) ug Department of Interior and Local Government (DILG) ang nagpabaya sa ilang mga trabaho atol sa insidente. Si DILG Undersecretary Rico Puno (dili ang singer ha), mi-angkon nga wala siyay insaktong training kabahin sa hostage negotiation.
Siya maoy naghawid sa kapulisan kansang mother department mao and DILG.
Gikonsidirar lang sa kapulisan ang maong insidente isip local crisis. Buot ipasabot nga wala nila hatagi og importansiya kay nagtuo sila nga masulbad lang ang maong crisis nga dili mosangpot sa dugo-on nga ending. Mikanit-kanit na ang mga isyu nga namugna sa maong insidente. Una, ang walay katakos sa kapulisan sa pagpahigayon og rescue operation. Kulang og training. Ang kakulangon sa ilang kagamitan. Ang kabanga sa mga negosyador ug mga police officers nga nag-supervise sa operation.
Gi-apil pa man gani si kanhi Presidente Arroyo kay ngano kunong wala hatagi ug igong kagamitan ang kapulisan panahon sa iyang administrasyon. Gikurakot kuno ang budget.
Pastilan no, daghan na ang gibasol. Apil na man gani ang talidhay ug ngislit ni Pres. Noynoy.
BASULON
Madugay ani ato nang basulon ang maong Hong kong tourists kon nganong nanganhi dinhi sa Pilipinas ug nagpa-hostage. Aw, patay hinoon sila. Mora ning estoryaha atong didto sa Saudi Arabia.
Usa ka Arabo nakabangga og usa ka Filipino. Gibasol pa ang
Pinoy sa Arabo kay kon wala pa mo-adto ang Pinoy sa Saudi dili unta siya makabangga. Pagkatoytoy!
