Nalzaro: Away sa mga Garcia

Thursday, April 29, 2010

ANIA koy nadawat nga reaksiyon sa atong mga lindog sa Sun.Star Cebu nga nagtuki kabahin niining panagbahin-bahin karon sa banay’ng Garcia kon si kinsa ang ilang paluyuhan nga kandidato sa pagkapresidente. Nabuak-buak ang banay ni Gov. Gwen Garcia karon. Ang gobernador, iyang amahan nga si second district Rep. Pablo Garcia, iyang igsuon si third district Congressman Pablo John, laing igsuon nga si Nelson nga nidagan pagkamayor sa Dumanjug, ug si Marlon nga nidagan pagka bise mayor sa Barili, kusganong mosuporta kang Lakas-Kampi candidate Gilbert ‘Gibo’ Teodoro.

Click here for Election 2010 updates

Have something to report? Tell us in text, photos or videos.

Ang iyang mama nga si Maam Inday ug duha ka mga igsuon nga sila si GSIS President Winston Garcia ug kanhi Capitol security consultant Byron Garcia mingsuporta ngadto kang Nacionalista Party candidate Sen. Manny Villar. Matod pa sa atong letter-writer nga si Andrew Mercer nangintriga kuno ko. Wala intawon uy. Igo lang akong mipadayag sa akong huna-huna ug panahom niining maong isyo. Respitohe ang akong huna-huna sama usab sa akong pagrespeto sa imong panahom. Kay matod pa sa sanglitanan nga ‘posibleng managlahi ang atong panglantaw, panahom ug baruganan sa usa ka isyo. Apan akong pakamatyan ang imong katungod sa pagpadayag sa imong baruganan. Ania ang suwat ni Ginuong Mercer.

Bob,

‘Na-unsa na man ka?  Pwerte man gyud nimong pangintriga anang away sa mga Garcia. Namugos diay si Gwen kon kinsay botaran sa iyang mga igsuon?

Wa man tingali. Apan bisan kinsa nga leader di gyud malipay kon naay iyang igsuon nga nag-undermine sa iyang authority.  So, natural nga moulbo iyang kaspa.  What’s so strange about that?

Masuko gyud si Gwen kay although personal commitment ra ang kang Byron ug kang Winston ngadto ni Manny Villar, hugaw man sad kaayo ang gihimo nga pagpangumbinsir ni Byron sa mga leader sa One Cebu.

Ang pag-submarino ni Byron sa mga leader sa party ni Gwen ang di maayo. In short, si Byron ang nilapas sa linya.  From his personal commitment to Villar to raiding the ranks of a political party. That is something that cannot be taken as purely personal support.’

PANAHOM

Dili lang ang mga Garcia nag-away gumikan lang sa pulitika. Daghan kaayong mga pamilya. Pero ang ako lang ba nganong mag-away man ang pamilya gumikan lang sa pulitika? Atong respituhan ang baruganan sa usag-usa. Sama kang Gov. Garcia, dili kay sa ingon nga lider siya, iya na lang i-imponer ang iyang baruganan sa ubang sakop sa pamilya. Dili god na mga pulitiko ang uban niyang mga igsuon.

Mahulog naman god nga diktador kanang iyang paagi. Siguro kanang uban niyang igsuon nga mga pulitiko, mosunod na niya. Demokrasya man kaha ning atong nasud. Busa gawasnon kita sa atong pulitikanhong baruganan. Ngano man nahadlok nga ma-insulto si Gwen nga sawayon siya kay unsa-on man paghiusa niya sa Sugbo nga dili man gani siya makahiusa sa iyang pamilya? Dili na mao uy.

(bobby@sunstar.com.ph)