Nalzaro: Flavored condoms
Monday, March 22, 2010
More Sections
NITUMAW na usab karon ang panagsungi tali sa kagamhanan pinaagi sa Department of Health ug sa Simbahang Katoliko ug ingon man ang mga pro-life groups. Ang ilang gi-awayan mao ang agresibo kaayo pagpang-apod-apod sa DOH og mga condoms sa tumong mga malikayan ang pagkuyanap sa AIDS ug uban pang mga sexuality transmitted disease.
Nireklamo ang taga simbahan kay nang-apod-apod ang DOH bisan ngadto sa mga batan-on. Makapatintal hinuon sa mga batan-on sa pagsulod sa pre-marital sex. Kusganong gisaway sa taga simbaan ug mga pro-life groups si DOH Sec. Esperanza Cabral. Mas maayo kuno ang budget sa gipalit sa condom ipalit og pagkaon sa mga kabus.
Have something to report? Tell us in text, photos or videos.
Click here for Election 2010 updates
Ang baruganan gud sa taga simbahan niining condom apil man gud kini sa artificial method sa family planning. Nasayod naman kita sa baruganan sa simbahan. Ila man kusganon kining gisupak ang artificial method kay wala man kini kalainan sa abortion. Pero atong klarohon dili supak ang simbahan sa family planning. Sa method o paagi lang. Kay gusto sa simbahan ang natural method mao ang ipasunod sa magtiayon.
NANGHILABOT
Mo-ingon ang uban nga nganong manghilabot man ang taga simbahan nga iya man sa kagamhanan ang pag-control sa atong populasyon? Problema sa estado kon modaghan ang mga tawo nga maoy hinungdan sa kawad-on. Kay kon daghan nang tawo, modaghan ang mga kabus ug basulon dayon ang gobiyerno.
Ang sa simbahan lain lang usab ang ilang baruganan. Gusto sa simbahan nga dili but-an ang katawhan nga mosagop sa artificial method. Sa condom gud, masala man ang semilya sa lalaki mao nga dili moturok ang binhi ngadto sa babaye. Nganong pugngan man daw ang di gustong manganak pinaagi sa paggamit sa condom.
Ato na lang sigurong hatagan ang magtiayon og unsay angay nilang sagupon nga paagi sa pagplano sa pamilya. Dili lang unta usab mo-agresibo ang gobiyerno pag-promote sa artificial method sama sa pagpangahatag og condom.
FLAVOR
Pero kadyot lang. Daghan naman diay kining klase sa condom. Aduna naman gani kunoy flavored condom. Naay flavor nga stawberry, orange, chocolate ug uban pa. Duna ba kahay chili no? Kana bang halang sama sa sili. Halanga kaha no? Bwah, ha, ha.
