Nalzaro: Ininglis sa mga Bisdak

Wednesday, September 1, 2010

MAAYO kay adunay mga kahugpungan o individual nga mga Bisaya ang mibarog batok sa pamahayag ni kanhi Miss Universe og actress Gloria Diaz kinsa namahayag nga ang mga Bisaya dili makamaong mo-estorya og ininglis. Bitaw, alang kanako morag dako usab kining insulto natong mga Bisdak. Kay ngano man diay ang mga Tagalog ug ubang taga laing rehiyon, makamao ug larino diay sila mo-esorya og ininglis?

Ang Vice Mayors League Cebu chapter mipasar og resolusyon ingon man ang Hunta Probensiyal mopasar usab og laing resolusyon nga nagsaway kang Diaz ug ideklarar siyang persona non grata. Si Cebu City North District Cutie Del Mar mi-deliver og privilege speech sa Ubos Balay Balauranan nga nagsaway sa gihimo ni Diaz.

Have something to report? Tell us in text, photos or videos.

Updates on President Benigno Aquino III's presidency

Ikaduha na kining privilege speech ni Cutie nga nagdepensa sa mga Sugbo-anon. Una, iyang gidepensahan si kanhi Supreme Court Chief Justice Helario Davide Jr., batok sa mga pagsaway sa iyang pagpangulo sa Truth Commission.

MAAYO MO-ENGLISH

Unsa may pagtuo ni Diaz nga dili makamaong mo-ininglis kitang mga Bisaya? Hinoon, usahay gyod maglisod ang uban sa diction o kanang insaktong pronunciation. Kay matod pa lagi nga gahi kuno ta og dila. Pero kadaghan diha nga maayo nga mo-English da.

Kana diay’ng mga English professor. Pero bisan carabao or broken English kining ato, basta ang importante makalitok kita og ininglis.

Kamaayo nato sa ininglis kon itandi sa ubang mga nasod. Ang mga Japanese, Chinese, Taiwanese ug Koreans maglisod gani gyod og litok. Bisan ang dili mga professional makamao ug makasabot.

Pero ngilngig gyod didto sa America kay bisan ang bata nga mao pay pagkakat-on ug estorya makamao nang mo-ininglis.

INTERPRETER

Gisugyot man god ni Diaz nga mas maayo nga adunay interpreter ang mga beauty contest aron makalitok ang mga kandidata sa ilang kaugalingon nga pinulongan. Para nako sa mga nasod sama sa Pilipinas nga makamao nga mo-ininglis dili na kinahanglan.

Nganong nagkinahanaglan man gyod. Kanang pagtubag sa mga pangutana sayon ra man na. Naa may beauty and talent ang atong mga kandidata. Sa kaso ni Venus Raj sayon ra man tong iyang pangutana. Naratol lang siya.

Sukad pa kaniadto, dili man ta magpadala og contestant sa mga international beauty contest nga dili makamaong mo-ininglis.

Mas maayo ato gyod nga hashasan pag-ayo ang atong mga kandidata. (bgnalzaro@gmanetwork.com)