Nalzaro: Ligid sa hustisya
Thursday, September 2, 2010
More Sections
PASTILAN no, molanat naman diay og walo ka tuig kining kasong parricide nga giatubang ni Philippine Benevolent Missionaries Association (PBMA) Supreme Master Ruben Ecleo Jr., nunot sa kamatayon sa iyang asawa nga si Alona. Sa habig ni Ecleo nagpabilin kining gawasnon human tuguti sa korte nga makapiyansa kay adunay gihambin nga sakit sa kasing-kasing.
Apan wala man diay ug gani nahimo pa man kining kongresista sa ilang lugar sa Dinagat Island.
Have something to report? Tell us in text, photos or videos.
Kon kita usab ang naa sa habig sa mga Bacolod nga mao ang miagrabyo nga partido, makapanghupaw usab kita ug moingon: asa man ang hustisya? Napatay pa ang ilang mga ginikanan ug magsuon unya dugay pa gayod masilutan ang tawo nga maoy gitumbok nga nakahimo sa maong salaod. Hangtod asa ug hangtod kanus-a kaha makakab-ot ang mga Bacolod og hustisya? Pagkahinay gyod nga motuyok sa ligid sa hustisya. Mao ni gi-ingon sa ininglis nga justice delayed, justice denied.
Updates on President Benigno Aquino III's presidency
RASON
Dili na kita angayan pang motukbil sa merito ning maong kaso kay anaa ra ba kini sa korte. Apan daghan ang nakatawa sa pamahayag ni Ecleo nga dili iya kang Alona ang patay’ng lawas nga gisulod sa plastic bag nga nakit-an didto sa Dalaguete.
Kay matod pa ni Ecleo nga missing pa hangtod karon ang iyang asawa.
Iyang gibasihan ang gitas-on sa patay’ng lawas ug sa gitas-an ni Alona.
Porbida no kon ato kining sakyan, kang kinsa man diay kadtong patay’ng lawas?
Nagpataka lang pod diay ang mga Bacolod og angkon ug paglubong sa maong patay’ng lawas nga dili sila sigurado nga kang Alona kadto? Ug dili kadto kang Alona, asa man diay si Alona karon?
Patay na pod siguro siya kay wala naman mopatim-aw sulod sa walo na ka
tuig.
BSPEEDY TRIAL
Maka-ingon lagi ta usahay nga ang mga pobre dugay kaayo maka-angkon og hustisya kay puwede man lang duwa-duwaan sa mga inila ug adunahan ang atong hudikatura. Kon pobre pod ang akusado, dali ra kaayong makonbikto kay walay ikasarang og bayad sa abogabo.
Pero mga datu, bisan dili bailable ang krimen, aw, makapiyansa gihapon kay kuwarta may palihukon. Sama aning Ecleo, gawasnon kay nakapiyansa man og usa ka milyon. Puyok-puyokon lang ang korte. Ingnon nga makasiton o walking time bomb. Asa ka time bomb nga maayo mag lawas didto sa Kongreso. Kon walay hustisya dinhi sa kalibutan, ato na lang paabuton ang hustisya sa langit. Amen.
