WA na kapugngi sa usa ka mabdos nga inahan dihang nagsakit nag maayo ang iyang tiyan, nakaahat gyud siya sa pagpanganak sud sa usa ka bus nga pasaheroan niadtong Biyernes sa hapon sa dakbayan sa Naga.

Ang magtiayong Barcoma, lumolupyo sa Laray, Inayawan, siyudad sa Sugbo, nibyahe sakay sa Librando Trans Inc. bus #10 gikan sa lungsod sa Barili padung sa dakbayan sa Sugbo aron unta i-admit si Clarita Barcoma, 19, nga manganakay, sa Vicente Sotto Memorial Medical Center kagahapon sa hapon.

For updates from around the country, follow Sun.Star on Twitter

Apan pag-abot sa siyudad sa Carcar, niagas ang dugo ug nagbati.

Ang magtiayon nangayo og tabang sa konsehal sa barili nga si DinDin Buenavista aron magpa-admit unta niadtong Huwebes, apan ang magtiayon niadto na lang untang Biyernes magpa-admit kay madala pa ang kasakit.

Ang konsehal nagpaabot niadtong Biyernes sa VSMMC sa magtiayon apan wa na kini makatunga.

Matod sa bus drayber nga si Leonilo Deniega, 39, taga Dumanhug dihang nahinabi sa Sun.Star Superbalita, nga sa dihang niagas na ang dugo sa biktima, ila kining gipahigda sa luyo sa bus ug daling gidala sa South General Hospital aron sa dugang pag-atiman niini.

Si Barcoma daling gidala sa emergency room sa SGH ug anaa na sa maayong kahimtang.

Apan ang condition sa bata pre-term kay gianak sa di saktong edad.

Si Nilo Luage, employee sa LTI, niingon nga andam kaayo silang motabang sa magtiayon sa pagbayad sa mga bayrunon sa tambalanan.

Dugang pa niya nga ikaupat na kining nahitabo nga adunay nanganak sulod sa ilang bus. (Ray Francis Gamban-USJR Masscom Intern)