Nanghimakak nga isyu ni Joavan ilang gisakyan
Monday, February 8, 2010
More Sections
HUGTANONG gipanghimakak sa mga kaatbang sa administrasyon ang pasangil nila ni Mayor Socrates Fernandez ug Bise Mayor Alan Bucao nga gisakyan lang sa ilang mga kaatbang sa pulitika ang isyo nga nalambigit kang Joavan Fernandez.
Si Mayor ernandez nga di magpa interview sa mga tigbalita nanubag sa isyo sa iyang anak diha sa iyang tulomanon sa radio matag gabii sa dyRF.
Have something to report? Tell us in text, photos or videos.
Click here for stories and updates on the Sinulog 2010 Festival.
Ang mayor niingon nga sukad sa iyang pag-apil sa pulitika niadtong 1980, ang iyang mga kaatbang sa pulitika mosabwag gyud og lapok batok kaniya.
Apan ang kaatbang ni Mayor Fernandez sa May 10,2010 election nga si kanhi Board Member Raul Bacaltos niingon nga naatol lang nga nagsingabot ang eleksyon ug nagpabadlong si Joavan.
Si Bacaltos nipasabot nga di gyud siya anad nga magpa interview sa media apan napugos lang siya sa pagpanubag sa mga pangutana aron ipadayag ang iyang kahadlok sa sitwasyon.
Niingon si Bacaltos nga si Mayor Fernandez ra usab ang mabasol sa sitwasyon ni Joavan tungod kay wa kini maayo pagka amuma.
“Ako maoy naluoy sa kahimtang ni Joavan tungod kay biktima siya sa di maayong upbringing sa iyang amahan.Di man gani siya makapitol sa usa lang ka anak, unsa na kaha ang kadaghan sa mga Talisaynon?,”matod ni Bacaltos.
Sa iyang bahin , si kanhi Bise Mayor Aberdovey Belleza nitataw nga sayop ang pagpasangil kanila nga igo lang namulitika sa isyo ni Joavan.
Matod ni Belleza nga di sila maoy nagsugo sa magtiayong Jonathan ug Irene Ignacio nga taga Inayagan, City of Naga aron magpadasmag sa sakyanan ni Joavan.
Gitataw ni Belleza nga way labot ang pulitika sa hitabo ug binuhatan gyud kini sa anak sa mayor.
Samtang ang hepe sa kapulisan sa Talisay,Supt. Henry Binas nipasalig nga bisan kinsa pa nga anak si Joavan, hingpit gyud nilang ipatuman ang balaod.
Matod ni Binas nga gipasakaan na nila og tulo ka kaso si Joavan ug gipaimbestigar na ang mga pulis nga nagtubag sa alarma sa aksidente sa traffic ug giparelibuhan na sa ilang assignment. (VLM)
