GIANGKON sa pangulo sa Cebu Provincial Police Office nga nauwawan usab sila nga wa masayod nga nakasud dinhi sa Sugbo ang Alvin Flores (Rolex) gang.

Upat ka giingong mga sakop sa gang napatay sa shootout tali sa mga sakop sa National Bureau of Investigation (NBI-7) sa miaging semana sa lungsod sa Compostela, Sugbo.

Sun.Star accepts donations for victims of Typhoon Ondoy

Apan gisalikway sa pangulo sa Police Regional Office nga kadtong napatayng mga tulisan adunay planong manulis dinhi sa Sugbo.

Si Chief Supt. Lani-o Nerez niingon nga sa ilang gihimong pagtuon way planong manulis ang grupo dinhi sa Sugbo, kini bisan pa og aduna silay kauban nga taga Sugbo.

Nagtuo si Nerez nga igo lang nipahuway ang grupo dinhi sa Sugbo human nga init na kaayo sila sa mga awtoridad sa Metro Manila.

Gawas pa, ang maong grupo kon manulis gikinahanglan gyud og taas nga pagtuon sa dapit una pa sila manulis.

Mao usab kini ang giluwatang pamahayag sa pangulo sa Cebu Provincial Police Office, Senior Supt. Jesus Gaquing.

Giangkon ni Gaquing nga gumikan sa hitabo nauwawan usab silang mga pulis sa probinsya nga wa gilayon sila makahibawo sa presensya sa mga tulisan.

Apan gumikan sa kabag-o pa sa grupo di niabot di usab siya makabasol sa mga pulis sa Compostela nga wa sila makahibawo. (DRT)