NAGBINALUAY na og mahait nga pulong sila si Kongresista Nerissa Soon-Ruiz, 6th District sa Sugbo ug Mandaue City Mayor Jonas Cortes may labot sa isyu sa pulitika.

Sa sayo pa, ang mayor nitubag sa pasangil sa kongresista nga ang gipatuman niining mga proyekto sa Mandaue nagpabilin nga wa tiwasa.

For updates from around the country, follow Sun.Star on Twitter

Gani nigahin og laing pundo si Cortes aron matiwas ang katukoran sa Tingub Barangay Hall nga gibiyaan ni Ruiz.

Apan, si Ruiz nipasangil nga gipugos ni Cortes ang barangay kapitan sa Tingub sa pagpahunong sa proyekto aron mahiadto kaniya ang credit.

“My office committed P2 million to construct that barangay hall of Tingub. P500,000 was already released and work was started, until the barangay captain insisted that the mayor would like to be the one to finish the construction to eventually grab credit,” matod ni Ruiz sa iyang press statement nga gi-e-mail sa Sun.Star Superbalita.

Gisaysay ni Cortes ang laing proyekto sa kongresista nga mao ang drainage project sa Canduman ug sityo Pilit, Cabancalan nga inay mohubas ang baha mapundo ang tubig gumikan kay “septic tank-type”.

Gihulagway sa mayor si Ruiz nga way klarong mga plano ug coordination sa mga proyekto nga gipatuman niini.

Apan, si Ruiz nihulagway kang Cortes nga “master” sa double speak ug nga susama sa cartoon character nga si ‘Pinocchio,’ kansang ilong motaas kon mamakak.

“The Cabancalan drainage project that I did was a stop gap measure to provide relief to the residents in the area after the city government failed to address the flooding that has adversely affected the people there,” dugang ni Ruiz.

Base sa press release sa kongresista nga adunay giaprobahan nga P1.7 bilyunes nga pundo ang konseho duha na ka tuig ang milabay.