Nuggets buhi pa

Thursday, April 29, 2010

NAKAKUHA og saktong suporta si Carmelo Anthony gikan ni J.R. Smith aron luwason ang Denver Nuggets sa posibli untang pagkataktak pinaagi sa pagkulit og 116-102 nga kadaugan batok sa Utah Jazz sa ilang best-of-seven 1st round playoff series.

Ang Nuggets, nga nakuhaan sa serbisyo ni Nene kinsa nakaangkon og angol, nagtinguha nga mamahimong unang team sulod sa upat ka tuig nga makabangon human mabiyai og 1-3 sa series. Sa kadaugan, ang Jazz maoy mo-host sa Game 6 ugma sa gabii.

Have something to report? Tell us in text, photos or videos.

Click here for Election 2010 updates

Si Anthony nitapos sa duwa nga may 26 puntos ug nilangkat og 11 ka rebounds ug si Smith mitali og 17 puntos, upat niini sa ka 3-point area samtang midugang og 21 puntos si Chauncey Billups alang sa Nuggets.

Bisan pa man sa gipakitang kahanas ni Deron Williams sa Utah kinsa gideklarar nga best point guard sa NBA karon, ang Nuggets hugtanon nga naghugpong aron isiguro ang kadaugan.

Si Williams nipabuhagay nga wa gyuy kausaban sa iyang dinuwaan bisan kinsa pa ang moguwardiya kaniya ug tuod man sa maong duwa mihagpat siya og 34 puntos ug 10 ka assists. Si Carlos Boozer mipakatap usab og 25 puntos ug 16 ka rebounds.

Sa laing duwa, samtang nagtan-aw ug naglingkod lang sa bench si Andrew Bogut, nagkumbuya ang mga beterano nga sila si Brandon Jennings ug Kurt Thomas sa dihang gipatugpa sa Milwaukee Bucks ang Atlanta Hawks, 91-87, alang sa 3-2 nga bintaha sa ilang kaugalingong series.

Sa ikatulong sunodsunod nga kadaugan, ang Milwaukee mahimong motapos sa series sa Game 6 diha mismo sa ilang korte ugmang adlawa.