SA wa damha, sayong nanamilit ang defending champion nga si Dennis Orcollo sa 2009 Qatar International 9-ball Pool Championship sa Qatar Billiards and Snooker Federation sa Doha, Qatar.

Human siya nabunyagan og pilde batok sa kababayang si Francisco Felicilda, 7-9, niadtong Huwebes, si Orcollo nahisugamak sa laing kapakyasan sa miaging gabii batok kang Mateusz Sniegocki sa Poland, 5-9.

For updates from around the country, follow Sun.Star on Twitter

Sa pagkawagtang ni Orcollo sa double knockout nga kompetisyon ug sa pagkahagba sa ubang bantugang Pinoy sa loser’s bracket, ang Pilipinas maglaom na lang og maayo nila ni Israel “Amay” Rota ug Alan Cuartero, nga mao na lang ang mga Pinoy nga wa pay pilde.

Si Rota misakmit sa iyang ikaduhang sunodsunod nga kadaugan batok kang Christoph Reintjens sa Germany, 9-5, samtang si Cuartero mipukan kang Khalid Sibaitah sa UAE, 9-0.

Ang mga Pinoy nga naa loser’s bracket mao sila si kanhi World Pool runner-up Marlon “Marvelous” Manalo, Antonio “Ga-Ga” Gabica, Raymund Faraon, Oliver Medinilla, ug Jeffrey de Luna.