P10 ray nadala sa duha ka wa mailhing mga tulisan nga nagsakay og motorsiklo gikan sa babaye nga ilang gibiktima kagahapon sa kaadlawon.

Ang biktima nga si Merielle Aradillos, 26, taga Sanchez Compound, dan Juana Osmeña, Brgy. Camputhaw, siyudad sa Sugbo gitulis samtang naglakaw sa mao nga dapit.

For updates from around the country, follow Sun.Star on Twitter

Sa record sa kapulisan nasayran nga gikan sa trabaho ang biktima ug padung na mopauli sa iyang balay.

Samtang siya naglakaw, kalit nga nihunong ang mga tulisan luwan og motorsiklo diin ang usa nga angkas nikanaog og nition sa dalang pusil. Apan, nagdumili si Aradillos sa paghatag sa iyang shoulder bag hinungdan nga natumba siya sa yuta sa ilang pag-inilugay.

Human mailog ang iyang bag, ang mga tulisan nga luwan sa black color XRM nga may plate number L-3351 nanibat dayon kini.

Ang wa nila masayri, ang sud sa wallet sa biktima mao ang iyang pitaka nga P10 ray sud ingon man importanteng mga dokumento. (Althea May J. Santillan – USJR Masscom intern)