Pacman ma-ospital

Thursday, March 11, 2010

MAHIMONG bunga lang kaha sa iyang pagsalig o kaha tungod sa daghan na niyang nainum, usa sa miyembro sa Team Clottey ang mipabuhagay sa iyang pangagpas nga daw sa makapakaging sa mga boxing fanatics sa tibuok kalibutan.

Si Kwaku Gyamfi, ang chief cook ni Clottey, ang way pupanaganang niyagyag sa iyang panganti nga ma-hospital si Manny Pacquiao human sa ilang away.

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

“Manny’s going straight to the hospital after the fight,” nagkanayon si Gyamfi, atubangan sa mga Pinoyng sportswriter sa Silver Bar sa Gaylord Texan Hotel niadtong Martes sa gabii.

Alas otso na sa gabii, si Gyamfi naglingkod sa bar nga nag-atubang sa duha ka baso sa lamesa nga may sulod nga vodka mix.

Daw sa naghinamhinam usab siya nga naghisgut sa umaabot nga away, ug iyang napaniguro ang kadaugan ni Clottey.

“Manny will be all cut up and bruised. It’s gonna be messy,” dugang ni Kwaku kinsa maisugon kaayong mipasumbingay nga mabun-og gyud og maayo si Pacquiao sa maong away.

“He’s going to be hit by a brick.”

Si Pacquiao inilog (8-1) batok ni Clottey sa ilang panagsangka karong Sabado (Dominggo sa Pilipinas) didto sa Dallas Cowboys Stadium. Iya nang giandam ang iyang mga paboritong kanta alang sa iyang party human sa away sa Gold Club sa Texas Rangers ballpark.

Naandan na ni Pacquiao nga perming mo-host sa iyang mga fans sa matag human sa iyang away.

Matod ni Kwaku nga ang 31-anyos nga pound-for-pound king dili ikahuyhoy sa iyang mga fans human sa away.

“He won’t be able to perform after the fight. For the first time he won’t be able to perform,” panghambog ni Kwaku.

Gawas sa bar, ang chief trainer ni Clottey nga si Lenny de Jesus sa dihang gikahinabi sa mga Manila reporters nipadayag usab sa iyang panahom.

“It’s going to be tough. It’s going to be interesting,” matod ni de Jesus. “And this is a dangerous fight for Manny. You can tell it because Freddie is not talking too much. If he knew this is going to be an easy fight, he would be talking a lot more. But he’s being careful with what he’s saying.”

Ang 64-anyos nga De Jesus kinsa nahimong cutman ni Pacquiao sa lima ka away lakip na niini ang away batok ni Emmanuel Lucero sa 2003 ug Erik Morales sa 2005, niingon nga andam na ang ilang gameplan kon unsaon nila pag-knock out si Pacquiao.

Iyang gibutyag nga 90 na ka round ang nahuman ni Clottey sa sparring, layo ra sa 142 nga nahimo ni Pacquiao.

“It’s because Joshua sent all of them out of the ring after four rounds,” padayag ni De Jesus.