Pacman mouli na

Friday, March 19, 2010

TUNGOD sa pagkanselar sa iyang concert ug party sa Hawaii nga gikatakda unta ugmang adlawa, ang 7-division champion Manny Pacquiao moderitso na og uli sa Pilipinas gikan sa Los Angeles, California.

Si Pacquiao, kinsa malampusong midepensa sa iyang World Boxing Organization (WBO) welterweight batok ni Joshua Clottey niadtong Marso 13, gikatakdang mouli sa adlawng Lunes sakay sa Philippine Airlines flight PR 103.

Have something to report? Tell us in text, photos or videos.

Click here for Election 2010 updates

Ang Malacanang nag-andam na og grand welcome alang sa boxing superstar, kinsa magpapili pagka kongresista sa Mayo 10 nga piniliay.

Matod ni Deputy Presidential spokesperson Charito Planas nga andam na ang hero’s welcome alang ni Pacquiao kinsa iyang gihulagway nga self-made hero.

Disagreement with organizers

Mas gipalabi pa ni Pacquiao ang pag-uli sa Pilipinas human ang gikatakda unta nga konsiyerto ug Party sa Hawaii ang wa madayon.

Kini ipahigayon unta sa Waikiki Shell sa Marso 21 apan nakanselar tungod sa kagamay sa halin sa tiket, matod ni Ryan Chan sa Island Fire Productions.

Isip hulip, ang organizer mopahigayon na lang og party karong gabii diin ikahimamat ni Pacquiao ang iyang mga supporters.

Matod ni Chang, wa sila magkasinabot ni Pacquiao kalabot sa appearance fee niini.

Gikataho nga gusto unta ni Pacquiao nga ipadala unta sa promoter ang appearance fee apan ang promoter miinsister nga sa Hawaii na lang nila ihatag ang kuwarta.

Wa man tuod mobutyag ang promoter sa presyo, apan nigawas mantalaan sa Hawaii nga si Pacquiao makadawat unta og $100,000 sa maong konsiyerto.