LAIN na usab nga international nga pasidungog ang posibling makumkum ni boxing superstar Manny Pacquiao human kini ginominar sa duha ka major nga kategoriya sa
2009 Excellence in Sports Performance Awards o ESPY.

Ang mga nominado sa tinuig nga kalihukan nga giorganisar sa inilang American cable television network ESPN ang mianunsyo na sa ilang pilianan ug si Pacquiao maoy usa sa mga prominenting atleta nga nalista sa mga nag-unang personalidad sa natad sa paugnat sa kusog.

For updates from around the country, follow Sun.Star on Twitter

Si Pacquiao ginominar kaduha ka higayon – sa “Best Fighter” ug sa “Best Play” categories.

Ang pagnominar ni Pacquiao gibasehan usab sa iyang pagkahilakip sa 100 ka mga inpluwensiyadong tawo sa tibuok kalibutan nga napatik sa Time Magazine ug ingon man apil usab sa pinakadatong atleta sa tibuok kalibutan karon nga natala sa Forbes magazine.

Ang 2nd round knockout nga kadaugan batok ni Ricky Hatton niadtong Mayo 2 sa MGM Grand sa Las Vegas ang nalakip sa ‘Best Play” category, diin anaa usab ang goal ni Alexander Overchkin sa Washington Capital sa korte sa ilang kaatbang nga New York Rangers sa Game 5 sda Stanley Cup playoffs.

Gawas sa kadaugan ni Hatton, ang iyang pagdispatsar usab ni Oscar De La Hoya sa ikasiyam ka round ang nakapalakip kaniya sa mga finalists sa “Best Fighter” category.

Ikaatbang ni Pacquiao ning maong pasidungog ma sila si MMA’s Lyoto Machida sa Mixed Martial Arts kinsa mi-knockout sa wa pay pildi nga si Rashad Evans aron sakmito ang light-heavyweight title sa UFC98, ang kadaugan ni Anderson Silva batok ni Patrick Cote, Thales Leites ug James Irwin, ug ingon man si Shane Mosley kinsa mipakaging sa Mexicanong si Antonio Margarito pinaagi sa knockout nga kadaugan.

Mokabat ngadto sa 37 ka kategoriya ang molangkob sa karong tuig nga ESPY Awards apil na ang “Best Male Athlete’ ug “Best International Male Athlete.’

Si Kobe Bryant ug LeBron James sa basketball, Jimmie Johnson ug 2008 Beijing Olympic hero Michael Phelps maoy nag-una sa “Best Male Athlete’ category, samtang gitawag og track demon nga si Usain Bolt, Pau Gasol sa Los Angeles Lakers, Lionel Messi, tennis stalwart Rafael Nadal ug Cristiano Ronaldo sa football ang ginominar alang sa international male athlete award.

Ang awarding gikatakda karong Hulyo 15 sa Nokia Theater sa Los Angeles diin ang actor nga si Samuel Jackson maoy mo-host.

Basehan sa modaog mao ang gidaghanon sa mobotar pinaagi sa online sa ESPN website sa http://promo.espn.go.com/espn/specialsection/espys2009/#/home/.