Pacquiao, Ali lakip sa mga pinakamaayong boxer

Friday, April 9, 2010

NAHILAKIP sila si Muhammad Ali ug kasamtangang pound-for-pound champion Manny Pacquiao sa mga nahisgutan nga labing maayong mga boksidor sa kalibutan sa tanang panahon.

Nahisgutan sab ang mga pangalan nila ni Joe Louis ug Rocky Marciano apan alang sa mga eksperto nga gitapok sa The Ledger website, si Sugar Ray Robinson gyud ang labing maayong boksidor.

Have something to report? Tell us in text, photos or videos.

Click here for Election 2010 updates

Ang mga gipangkuhaan og panan-aw sa The Ledger naglakip nila ni Showtime boxing analyst Al Bernstein, boxing historian Bert Sugar, boxing publicist Bill Caplan ug Winter Haven trainer Tony Morgan.

“He did more things well than any boxer in history,” matod pa ni Bernstein. “He was fast, powerful, clever and courageous. He had a great jab, great hook, good right hand and threw great combinations. He was also a good, but not perfect defensive fighter.”

Nidugang si Bernstein nga gumikan sa grabe ka maayo nga abilidad ni Robinson, kaya niyang patumbahon ang kontra bisa’g mag-atras pa siya.

Grabe gyud kasikat si Robinson sa iyang panahon hilabi na sa iyang yutang natawhan sa France. Sa US, si Robinson napasidunggan og postal stamp niadtong 1996.

Natawo niadtong Mayo 3, 1921 sa Ailey Ga., si Robinson ug ang pamilya niini mibalhin sa New York dihang teenager pa siya.

Sa edad nga 14, nagsugod siya sa boksing isip amateur.