Pacquiao ika-25; Floyd Jr. ika-70

Monday, September 6, 2010

NING panahuna, tunog gyud kaayo ang pangalan nila ni pound-for-pound champion Manny Pacquiao ug Floyd Mayweather apan sa listahan sa most influential people sa boksing, gibiyaan gyud og maayo sa Pinoy boxing hero ang kaparang niyang Amerikano.

Sa listahan nga gihimo sa Yahoo Sports!,si Pacquiao nipatong na sa ika-25 nga puwesto samtang si Mayweather naa sa ika-70 nga luna.

Have something to report? Tell us in text, photos or videos.

Updates on President Benigno Aquino III's presidency

Gipanglupig sab ni Pacquiao ang ubang sikat kaayo nga mga boksidor nga sila si Roberto Duran (No. 26), Julio Cesar Chavez, Sr. (No. 27), heavyweight legend George Foreman, ug Joe Frazier.

Si Pacquiao gihulagway sa Yahoo Sports! nga “one the elite active boxers whose passionate Asian following has helped make him an international superstar and fodder for non-traditional boxing media such as CNN, Time Magazine and GQ.”

Ang heavyweight knockout artist Mike Tyson naa sa ika-16 nga puwesto samtang si Rocky Marciano, kinsa miretiro nga wala’y pilde, naa sa ika-15.

Sama sa gituohang, ang no.1 gihapon sa listahan mao si Muhammad Ali.

“Ali wasn’t the greatest fighter who ever stepped into the ring. But he was among the finest and no one before or since has had the impact he’s had upon the game,” pasabot sa Yahoo Sports!

“His style, with his hands at his side, circling the ring and flicking out jabs, has influenced generations of fighters. His ability to promote an event and give one a reason to watch has been unmatched.”

Gawas sa boksidor, ang listahan naglakip sab sa mga promoters, trainers, managers ug uban pa nga adunay kalambigitan sa boksing.