Padung maligo gikaligog mga bala
Friday, March 19, 2010
More Sections
NAMATAY ang usa ka lalake human matusaktusak ang lawas sa bala ginamit ang kalibre 45 nga pistola human gipusil sa duha ka wa mailhing mga tawo sa siyudad sa Carcar.
Ang namatay giila nga si Regie Villasquina, 29, ulitawo, manghimoay og sapatos, taga sityo Baha-baha barangay Liburon sa mao nga siyudad.
Have something to report? Tell us in text, photos or videos.
Click here for Election 2010 updates
Base sa imbestigasyon pasado alas 8 karong buntag ang biktima naghakot og tubig sa tabay sa dihang kalit lang niabot ang duha ka wa mailhing mga tawo nga nagsakay og motorsiklo nga pulos nagtaptap sa nawong ginamit ang bonnet.
Gipusil sa makadaghang mga higayon ang biktima ug naigo sa nagkadaiyang bahin sa lawas.
Si Villasquina daling gidala sa Carcar District Hospital, apan gideklarar nga patay nang nidangat sa tambalanan.
Nakuha sa kapulisan gikan sa crime scene tulo ka mga kabhang sa bala sa kalibre 45 samtang ang mga gikatahapan wa na maabti.
Si Supt. Renato Malazarte niingon nga padayon pa ang ilang imbestigasyon kon unsay motibo sa kremin ug si kinsa ang responsable.
Matod niya nga wa pa silay matumbok nga motibo sa kremin apan ilang sutaon kon unsay background sa namatay.
