Pagara giimbitar sa Top Rank
Tuesday, September 7, 2010
More Sections
GIIMBITAR sa Top Rank Promotions si light welterweight Jason Pagara sa ALA Promotions aron mag-training sa Las Vegas, Nevada, USA.
Ang Top Rank pinaagi sa ilang matchmaker Brad Goodman nagpadala og suwat aron opisyal nga imbitahon si Pagara aron sa Amerika mag-training alang sa umaabot pa niyang mga away.
Have something to report? Tell us in text, photos or videos.
Updates on President Benigno Aquino III's presidency
Ikauban unya ni Pagara sa biyahe mao ang stablemate nga si Mark Jason Melligen, kinsa taodtaod na sab nga nag-ensayo sa Amerika ubos sa pagdumala sa Top Rank.
Ang Top Rank maoy usa sa labing dakong boxing outfit sa kalibutan ug lakip sa dagkong nga promosyon nga napasiugdahan niini mao ang Oscar Dela Hoya batok Fernando Vargas, Sugar Ray Leonard batok Roberto Duran, Sugar Ray Leonard batok Marvin Hagler ug mga away ni Muhammad Ali.
Si Pagara (23-1, 12KOs) mag-training sa Amerika sa paggiya ni ALA Promotions Head of International Affairs Anthony Martin sa Roger Mayweather Gym sa Las Vegas, Nevada.
Dako gyud kaayo kini nga oportunidad alang sa 18 anyos nga boksidor kay segurado gyung mahashasan ang iyang abilidad tungod kay nagbaha ang sparring partners didto nga sama niya’g timbang.
Sa batan-on niyang edad, daghan pa gyud ang makat-unan ni Pagara, kinsa usa sa mga gituohan nga makahatag og dakong dungog sa nasod sa ugma damlag.
