PLANONG pagpalit sa Cebu City Hall sa kabahin sa luna nga gipuy-anan sa mga nasunogan sa barangay Basak-San Nicolas ikonsulta pa sa ubang mga igsuon sa pamilyang Cabarrubias.

Ang pamilyang Cabarrubias maoy nanag-iya sa 8,000 square meter sa sityo Lupa diin namuyo ang kadaghanan sa mga biktima sa sunog.

Ang amahan ni Konsehal Roberto “Bob” Cabarrubias ng si Martin Cabarrubias Sr. maoy usa sa mga igsuon nga nanag-iya sa luna.

Matod sa konseho nga di makahimo og desisyon ang iyang amahan kon ibaligya ba ang kabahin sa luna sanglit walo sila ka mga igsuon nga maoy angay mohukom.

“The title of that property is not under my father’s name. He is just one of the heirs. Since he is here the property si under his administration. He just collects the rental,” nagkanayon si Konsehal Cabarrubias.

Dugang niya nga konsultahon pa niini ang ilang mga iyaan ug uyoan nga sagad tua na namuyo sa Mindanao.

Nasayran nga sagad sa mga biktima sa dakong sunog niadtong Martes naa magpuyo sa tulo ka mga luna nga gipanag-iya sa mga pribadong tawo.

Hinuon si Basak-San Nicolas barangay kapitan George Rama niingon nga gitugtan nang makabalik ang uban nga naa sa laing duha ka mga luna kay duna nay pagtugot ang mga tag-iya. (CPL/dugang taho gikan sa SSC)