Petisyon sa TUCP suportado; gipangayo sakto ra: PM

Saturday, March 13, 2010

SUPORTADO sa laing labor group ang gisang-at nga petisyon alang sa umento sa suholan sa Trade Union Congress of the Phils. (TUCP) apan mas gihatagan nila og gibug-aton ang panawagan alang sa reporma sa wage fixing system.

Matod ni Greg Janginon, chairman sa Partido ng Manggagawa (PM) dinhi sa Sugbo, niingon nga reasonable ug wa nanghinobra ang gipangayong P100 nga usbaw sa suholan sa TUCP.

Have something to report? Tell us in text, photos or videos.

Apan duda ang grupo kon ihatag ba kini sa Regional Tripartite Wages and Productivity Board (RTWPB) ilabina nga wa pa sukad nga dunay nahatag ang wage board nga P100 nga usbaw.

"The Manny Pacquiao Blog". Click here for stories and updates on the Filipino boxing champ.

“Mao nang ang among pakigbisog mao ang alang sa pagwagtang sa wage board ug inay magtukod hinuon og National Wage Commission,” nagkanayon si Janginon sa ilang gipadalang pamahayag.

Ang grupo nanawagan nga wagtangon nalang gyud ang wage board, diin kini maoy modesisyon kon pilay usbaw nga ihatag sa sweldo sa matag rehiyon ug pabor silang magtukod nalang og nasudnong wage commission.

Ang komisyon mao unya ang mo-set sa minimum nga suweldo sa mga trabahante depende sa coast of living.

Dugang niya nga ang gipangayong P100 nga dugang sa suholan di mahitabo hangtod nga wa kini suporta ni Pres. Arroyo.

“That unfortunately is the problem with the tripartite regional wage board. If Malacanang does not give the go signal for a wage hike, the wage petition will be stymied at the wage board,” pasabot ni Janginon.

Ang nasudnong presidente sa PM, Renato Magtubo nihulagway usab sa gihimong hearing alang sa P75 nga petisyon nga gisang-at sa kaulohan nga moro-moro lang kay sa katapusan, agdon ra gihapon sa board ang presidente.

Dinhi sa rehiyon 7, sud na sa duha ka tuig nga nagpabiling P267 ang minimum nga suholan sa mga trabahante bisan kon ang tinud-anay nga cost of living alang sa pamilya nga dunay unom ka mga miyembro moabot na sa P900 matag adlaw.

Ning gipangayo nga usbaw, ang business sector sa Sugbo supak tungod kay naglisod pa hangtod karon ang negusyo bunga sa kalibutanong krisis.