PM partylist mihagit sa mga kandidato bahin sa R.H. Bill
Sunday, March 14, 2010
More Sections
NING pagtimaan sa Women’s Month, usa ka labor partylist ang mihagit sa mga presidentiable nga moklaro sa ilang baruganan sa pagsuporta sa kontrobersiyal nga reproductive health (RH) bill.
Apil sa ilang gihagit mao ang mga lokal nga kandidato human usab nigawas ang survey sa SWS nga nagpakita nga suportado sa mga botante ang mga kandidatong pro-RH.
Have something to report? Tell us in text, photos or videos.
"The Manny Pacquiao Blog". Click here for stories and updates on the Filipino boxing champ.
“We call on national to local candidates to make a stand for the RH bill and the Filipino voters will stand by you in the election. The candidates who say they are pro-poor and pro-women should make this motherhood slogan concrete by uncompromising support for reproductive health,” nagkanayon ang pamahayag ni Judy Ann Miranda, secretary-general sa Partido ng Manggagawa (PM).
Gisaway niini ang mga kandidatong way klarong baruganan sa RH bill tungod sa ilang kahadlok nga di usab botaran sa mga pro-life group.
Matod sa grupo nga ang tingog sa pro-life group di maoy tingog sa kadaghanan maong di angayang mahadlok ang mga kandidato pagtataw sa ilang suporta sa RH.
Apan si Dr. Rene Josef Bullecer sa Task Force for Family and Life nagkanayon nga di angayang kalimtan nga mayoriya gihapon sa mga botante mga Katoliko.
Gipadayag na sa pro-life group nga duha lang sa mga presidentiable ang ilang gipilian kay mao ray nibarog batok sa RH bill ug kini mao sila si administration party candidate Gilbert Teodoro ug NP presidentiable Manny Villar.
Ang paghagit sa grupo sa mga presidentiable nga moklaro sa ilang baruganan sa RH gipanawagan ning buwan sa mga kababaye-an ilabina na nga bag-o lang gi-report ang pagkuyanap sa HIV-Aids ug ang padayong pagsaka sa mga kaso sa unwanted ug teenage pregnancies ug way klarong family planning sa mga pamilyang Pilipino.
Sumala sa grupo katungod sa kababayen-an ang pagbaton og kapilian alang sa iyang panglawas ug kini angayang ihatag sa gobiyerno.
