PNP andam na sa Semana Santa
Wednesday, March 17, 2010
More Sections
KAPULISAN sa tibuok rehiyon-7 andam na sa umaabot nga Semana Santa.
Atol sa programang Talakayan sa Isyung Pulis (TSIP) kagahapon, si Senior Supt. Selvistre Premiro, deputy director for administration, niingon nga aduna na silay giandam nga oplan alang niini.
Have something to report? Tell us in text, photos or videos.
Click here for Election 2010 updates
Matod niya nga sa maong adlaw sila alerto ug ang sentro sa ilang pagbantay mao ang mga terminal, pantalan, ug ang mga lugar diin adto magtapok ang katawhan.
Si Premiro niingon nga sa maong adlaw daghan ang manguli sa probinsya tungod sa taas nga bakasyon.
Gipasabot ni Premiro nga di na sila maglisod tungod kay matag tuig man kini nilang gihimo.
Labaw na karon nga aduna silay gihimong mga pagpangandam tungod sa nagkaduol nang eleksyon.
Ang kapulisan, ubos sa Commission on Elections (Comelec), nagpahigayon og mga checkpoint.
Kini nunot usab sa hugot kaayong pagpatuman sa gunban sa tibuok nasod. (DRT)
