GIPANGULOHAN sa finalists sa miaging tuig nga sila si Bayani Portallo ug Antonio Cusi ang mga nangasubhan og kadaugan kagahapon sa pagsugod sa dinumbolay sa Class B category sa 2009 Sun.Star Superbalita 9-Ball Challenge sa Elizabeth Mall Activity Center.

Si Portallo nipukan kang Mark Pacheco, 7-4, samtang si Cusi niposte sab og 7-4 nga kadaugan batok kang Maxwell Bernadez.

"The Manny Pacquiao Blog". Click here for stories and updates on the Filipino boxing champ.

Ang kanhi High School division champion nga si Marvin Gentapa nalihian sab og kadaugan batok kang Serio Arriba, 7-5.

Ang ubang mga midaog mao sila si PJ Benolaga, Ricky Etang, Burt Gutobat ug Glenn Jayme.

Gilampaso ni Benolaga si Antonio Hordista, gibiktima ni Etang si William Fuego, 7-2, gikastigo ni Gotubat si Jeffrey Gian, 7-2, samtang gimakmak ni Jayme si Alegado Junmark, 7-2.

Nidaog usab sila si Tingards Pesons ug Adrian Mangubat.

Sa ubang mga resulta, ningdaog sila si Joel Malaki batok Ondo Oco Jr. (7-6), Keith Manayon batok Edwin Borinaga (7-5), Edward Borinaga batok William Chua Jr. (7-6), Leo Colina batok Lindley Esdrelon (7-5), ug Abraham Rojo batok Charlon Alcidera (7-4).

Magpadayon ang dinumbolay karong adlawa sa samang venue.

Ang kampiyon ning maong kategoriya makadawat og P20,000, makaluklok og P10,000 ang 2nd placer, P5,000 sa 3rd placer ug P2,500 sa 4th placer. Dul-an sa P300,000 ang kinatibuk-ang ganti sa torneyo nga gilangkuban sab og Elementary, High School ug ang gikaintapang Class A nga kategoriya.