Priso sa Talisay, namatay

Sunday, January 3, 2010

USA ka priso nga nag-atubang og kasong pagpanglugos ug pagpatay napalgang patay na sud pansayan sa Cottage E sa Talisay City Jail sa Barangay Maghaway, siyudad sa Talisay niadtong Sabado sa buntag.

Napalgang patay na nianang pasado alas 7:00 sa buntag mao si Doroteo Gabasan Sayson, 58, minyo ug taga sa Sitio Dawis, Barangay Tabunok sa samang dakbayan.

Have something to report? Tell us in text, photos or videos.

For updates from around the country, follow Sun.Star on Twitter

Subay sa imbestigasyon sa kapulisan sa homicide sa Talisay police nagbutyag nga ang patay nga lawas sa biktima napalgan sa iyang kauban nga piniriso nga nagligdas sulod sa pansayan.

Namatikdan sa mga kauban nga ang biktima nitubag sa sugo sa lawas, apan wa na kini makabalik pa sa iyang selda.

Ang kapulisan sa Talisay nakadawat og tawag gikan sa usa ka concerned citizen nga nagpahibawo sa kamatayon ni Sayson.

Si PO3 Rey Bucao uban sa iyang mga kauban ang daling ningresponde ug nakadiskubre ang maong patay.

Ang lawas sa biktima gipa-autopsy aron matino kon unsay hinungdan sa iyang kamatayon. Apan atol ning pagkuha sa taho sa Sun.Star Superbalita, wala pa gibutyag ang hinungdan sa kamatayon sa priso.

Dugang nasayran sa kapulisan nga si Sayson adunay duha ka kasong pagpatay ug lugos sa Regional Trial Court (RTC) 7 sa dakbayan sa Sugbo.

Ang lawas niya nahimutang karon sa Saint Francis Funeral Homes.

Ang kapulisan sa Talisay ug Bureau of Jail Management and Penology (BJMP) mohimo pa og dugang imbestigasyon sa kamatayon ni Sayson. (JJY-STC Intern)