Public interest mao unta’y ipatigbabaw

Tuesday, February 9, 2010

Jun Migallen
Taym Pa

WA makaayo kadtong pag-walkout sa Talk ‘N Text sa Game 4 sa best-of-five quarterfinals round batok sa Ginebra San Miguel sa nagpadayon nga All-Filipino conference didto sa Cuneta Astrodome.

Have something to report? Tell us in text, photos or videos.

First quarter pa gani, labaw og 27 puntos ang Ginebra sa katapusang 1:00 minutos, gitawagan og flagrant foul si Ranidel de Ocampo ngadto ni Ronald Tubid.

Click here for stories and updates on the Sinulog 2010 Festival.

Gumikan sa tawag, grabing nakareklamo si TnT coach Reyes hinungdan gipahamtangan gilayon siya og technical foul.

Niini, wa mag-usik og panahon si Reyes ug nimando sa iyang mga batos sa pagbiya sa korte paingon sa dugout. Act of unsportsmanlike behavior.

Ubos sa lagda, hatagan og singko minutos ang team nga mobiya sa korte atol sa ilang duwa. Nahuman na lang ang singko minutos wa gihapon sila mobalik. Laing usa ka minuto gikan sa pagtingog buzzer ug laing usa ka minuto nga extension ang gihatag sa mga PBA officials, apan wa gihapon.

Resulta? Gideklarar sa PBA nga forfeit ang duwa in favor ngadto sa Ginebra. Kini maoy nakapatabla sa series, 2-2. Daghan ang nahimong kadaot ang maong pag-walkout.

Taas pa kaayo ang oras ug daghan pa kaayo ang mahitabo sa nahabiling tulo ka kuwarters. Kinsay nasayod nga mabali ang dagan sa panahon.

Nakabati sa liga ang maong pag-walkout kay daw sa gipakasama kini nga inter-barangay tournament. Di lang sa lega, nadaot usab ang imahe sa Talk N Text tungod kay ilang gihikawan ang publiko nga nituyo sa pagbayad aron unta motan-aw sa kinatibuk-ang duwa. Daghan ang nag-refund sa ilang gibayad.

Ug labaw sa tanan, nakapaubos sa moral sa mga players tungod kay di kalingayan maapil man gayud sila sa kantiyaw niadtong mga basketball fans nga nasagmuyo sa ilang gibuhat.

Kon dunay may reklamo o dunay mensahe ang Texters nga gustong ipaabot ngadto sa lega, ang pag-walkout dili maoy solusyon. Mahimong makig-istorya unta sila sa mga officials ug mga referees. O kaha ipakita nila nga andam silang modawat kon unsay resulta sa duwa.

Apan sukwahi ang ilang gipakita. Siguro nalimot sila sa ilang responsabilidad ngadto sa publiko. Ipatugbabaw gyud unta nila ang public interest, kay sa laktod nga pagkasulti, ang publiko maoy nagbuhi sa lega. (Akong email address: junmigs0622@yahoo.com)