Rama mikiha ni Tionko

Wednesday, April 28, 2010

GITINUOD gyud ni Bise-Mayor Michael Rama, kandidato pagka mayor sa Bando Osmeña Pundok Kauswagan (BOPK) nga iyang ikiha si James Philip Tiongko, executive director sa Krusada Batok Droga.

Click here for Election 2010 updates

Have something to report? Tell us in text, photos or videos.

Si Tiongko nangu sa grupo nga nangampanya batok kang Rama tungod giingong pagka protector niini sa usa ka druglord base sa pamahayag sab ni Mayor Tomas Osmeña.

Matod ni Rama nga iyang gipasaka ang kaso human gidaot ni Tiongko ang iyang bansagon nga Rama, di lang kay ang iyang pagka bise-mayor ug pagka kandidato sa pagka mayor sa siyudad.

“..not only damaged the reputation of the undersigned but also the entire Rama clan who are well known in the local politics,” matod ni Rama.

Iyang gihulagway nga grabe ang pag-atake sa iyang personalidad ni Tiongko.

“There was evident malice on the part of James Philip Tiongko considering the fact that he called the press conference for the sole purpose of attacking and maligning the good name of the undersigned and directly naming the undersigned as public enemy number one and involved in narco-politics,” matod sa affidavit ni Rama.

Iyang gigamit nga ebidensya ang mga newspaper clipping kabahin sa maong report nga namantala sa duha ka local nga mga mantalaan sa Sugbo.

Gibutyag usab ni Rama nga wa makaapiktar sa iyang pagpangampanya ang black propaganda nga gipahid kaniya ni Tiongko.

Gisakitan lang si Rama sa dihang ang anak niyang lalake ang nakahilak sa kalagot ngano nga gidaot ang iyang amahan.

Bisan pa man sa pasangil, giklaro ni Rama nga di niya hunungon ang iyang pagpakigduwa og basketball kang “Tata Negro,” kinsa gipasanginlan nga nalambigit sa drugas ug kandidato sa pagkakonsehal sa siyudad.

Samtang si Tiongco wa mahadlok sa kiha ni Rama.

Iyang gihagit si Rama nga ilakip sa pagkiha si Osmeña kay maoy naghingan kaniya niini.(JFT/JECT)