AGI’G tipik sa ilang hugot nga preparasyon alang sa ilang kampanya sa FIBA Asia World Championship qualifier sa Tianjin, China sa sunod buwan, ang Powerade Team Pilpinas makigbatok Athletes in Action sa usa ka exhibition game ugma sa The Arena sa San Juan.

Ang Athletes in Action, usa ka evangelical Christian sports ministry nga nag-tour sa tibuok kalibutan, gituohang makahatag gyud og saktong kombati batok sa Nationals.

"Matod Pa Sa Lola ni Noy Kulas." Join the story-writing contest on Cebuano folklore and win prizes.

“Coming from Division I schools in the US NCAA, the AIA players should provide really stiff competition,” matod ni RP coach Yeng Guiao. “I believe we’ll have our hands full against them.”

Gilibre sa publiko kining maong duwa aron mahatagan og kahigayunan ang mga sumosunod sa RP Team nga makatan-aw sa gikonsiderar nga labing maayong mga magduduwa sa nasod sa di pa kini mogikan alang sa W. Jone Cup tournament sa Taipei sa ulahing bahin ning buwana.

Ning duwaa, mopakita na’g aksyon ang labing bag-ong sakop sa RP Team nga si 6’9” Japeth Aguilar.

Si Aguilar gituohang ikatambayayong nila ni James Yap, Kerby Raymundo, Sonny Thoss, Willie Miller, ug Cyrus Baguio sa opensiba sa RP Team. (PBA Media Bureau)