SAC-SMC Awards karon

Wednesday, March 10, 2010

UBOS sa pagdumala ni Edward Hayco, kadaghan na sab gyud ning patigbabaw ang Dancesport-Team Cebu City sa nagkadaiyang national ug international events.

Hangtod karon, wala gyud molugak si Hayco ug ang DTCC sa paghimo’g mga lakang aron makahatag og dungog sa Queen City of the South.

Have something to report? Tell us in text, photos or videos.

Sa iyang tinguha nga mahimong dance capital ang Cebu City sa tibuok kalibutan, nakahimo og kasaysayan si Hayco sa miaging tuig dihang napatik ang DTCC sa Guinness world record isip labing dako nga dance class.

"The Manny Pacquiao Blog". Click here for stories and updates on the Filipino boxing champ.

Tungod niini, napili si Hayco isip “Sportsman of the Year” awardee sa 28th Sportswriters Association of Cebu (SAC)-San Miguel Corporation (SMC) All-Cebu Sports Awards karong alas 6:00 sa gabii sa Casino Español de Cebu.

Timailhan sa iyang pagkamapahiubsanon, wala giangkon ni Hayco ang maong kadungganan. Iyang gihatag ang dungog ngadto sa tanan nga nagsuporta kaniya sa maong tahas.

Niabot ngadto sa 7,770 ka mga partisipante ang dungan nga nanayaw niadtong Hnyo 27 sa Cebu City Sports Center nga maoy nagbuak sa kanhi world record.

Gawas sa Guinness, si Hayco katambayayong ang iyang asawa nga si Eleanor nagpasiugda sab og barangayan dancesport workshop ug inter-barangay competitions dinhi sa Sugbo.

Pinaagi kaniya, naka-host sab ang Sugbo sa nagkadaiyang international events lakip na niini ang 3rd IDSF Open ug SEA Games niadtong 2005.

Laing Sportsman of the Year recipient nga si boxing patron Antonio “Bidoy” L. Aldeguer motambong sab sa kalihukan, ning higayuna isip guest of honor ug inspirational speaker.

Si multi-titled table tennis coach Jessica Jawad-Honoridez nakakuha na sab og laing ORLACSAN award tungod sa iyang pagkamahinatagon.

Ang kantidad nga gitagana nga alang unta sa iyang adlawng natawhan iyang giamot ngadto sa mga atleta ug coaches sa Luzon nga naapektuhan sa bagyong Ondoy ug Pepeng.

Si Cebuano boxer Z “The Dream” Gorres maoy modawat sa Presidential award kay naghatag siya’g inspirasyon tungod sa iyang fighting spirit nga gipakita human sa duha ka delikadong operasyon sa utok.

Sa laing bahin, si anhing Eugene de la Cerna, Cebu Sports Hall of Famer, hatagan sa Posthumous Award sa iyang kontribyusyon sa Cebu volleyball.

Ang major awardees mao sila si Rubilen Amit (billiards), Daniel Noval, Lindley Fran Navaja and George Pinanonang (athletics),  Ralph Ian Mendez (badminton), Woodrow Enriquez, M.Lhuilleir Kwarta Padala-Cebu Niños, JuneMar Fajardo, Gregory  Slaughter, Mark Jayven Tallo and the University of the Visayas Green Lancers (basketball), Ariel Carumba and Loujei Tipgos of University of San Jose-Recoletos and Erika Camille Verano Apple Saraum of the University of Southern Philippines Foundation (beach volley), Jomar Jumapao (bowling).

Johnreil Casimero, Rodel Mayol and Donnie Nietes (boxing), Joseph Sanchez (chess), Charlea Lagaras and Dancesport Team Cebu City, Irina Gabasa (golf), Vicente Fernandez III (judo), Lutche Metante and Noel Espinosa (karatedo), Juan Antonio Carcel and Jette Calderon (karting), Marniel Dimla (pencak silat), Mendel Lopez, Mary Grace De los Santos and Leszl Gitaruelas (running), Metodio Suico, Gene Mark Saavedra, Harrison Castañares and Jerome Vendiola (sepak takraw).

Loren Dale Echavez, Paula Abigail Vega, Anthony Linn Navarro and Bea Roble (swimming), Teodoro Martus, Jr. (scrabble),  Richard Gonzales and Dannel Jay Tormis (table tennis), Shaneen Sia (taekwondo), Noy Jopson and Lorhiz Echavez (triathlon), Sally Mae Siso (lawn tennis), Catmon Elementary School and University of Southern Philippines Foundation (volleyball), Kelle Kaye Rojas, Angelica Lado and Reynante Briones and Deftac-Cebu for Mixed Martial Arts.

Aduna sa’y mga atleta nga hatagan og citations. (Pooled Report)