Serna: Nawani silang tanan ni Father

Thursday, April 29, 2010

SA makausa pa, ang mga awit sa pagdayeg, pasalamat, pangaliyupo ug uban pang mga pagbati nga gitumong kang Sr. Sto. Niño maoy nahimong sentro sa pagtagad niadtong Martes sa gabii sa pagpahigayon sa 4th HuNiño: Huni Halad Alang Kang Sr. Sto. Niño sa Sto. Niño pilgrim center.

Nindot ang mga awit nga gihatagag kinabuhi sa ngilngig sab nga mga mag-aawit.

Have something to report? Tell us in text, photos or videos.

Akong paborito mao ang ‘Among Bawnon,’ ‘Salamat, Sto. Niño,’ ‘Panalipdi Kami, Sto. Niño’ ug ‘Pangamuyo.’

Click here for Election 2010 updates

Pero lahi ang tipo sa mga hurado. Nahukman nga mananaug mao ang ‘Hinungdan sa Pagtuo’ ni Jay-arr Librando (ikatulong ganti), ‘Pangamuyo’ ni Joseph Abella ug Niño James Bañares (ikaduha) ug ‘Panalipdi Kami, Sto. Niño’ ni Diomedes ug Lourdes Licmo-an ug Lelita Caballes (kampeyon) nga nakadawat sa ganti nga P20 mil, P30 mil ug P50 mil.

Mga pahalipay!

***

Sa mga mag-aawit, naa nila ni Arceli Bullo, Jay-arr Librando (siya ray mikanta sa iyang sinulat), duweto ni Norylen Endrina ug Jingle Placencia, ug Daryl Shane Leong ang akong gituhoang mapili nga best interpreter.

Sila si Norylen ug Jingle gyud ang nakadawat sa ganti nga P10 mil. Sa ako nang nasulat sa unahan, maayo ang mga mag-aawit pero sa wa pa ipahibalo ang mga mananaug, mitungtong sa tablado si Fr. Raymund Alcayaga, OSA, alang sa usa ka surprise number.

Tuod man, nasorpresa ang tanan ug siya gyoy nakadawat sa labing kusog nga abiba. Kinsa ba tinuod ang magdahom nga mobirit si Father sa kanta sa Journey nga ‘Faithfully’ ug gisundan pa gyud sa kanta sa Styx nga ‘Babe’ sa tumang kasayon. Padaplin Arnel Pineda!

Nawindang ang nanan-aw! Nawani silang tanan! Pun-an pa nga, matod pa ni Fr. Dan de los Angeles nga maoy program host uban ni Marirose Villacastin-Maghuyop, ‘tsoy-tsoy’ sab, pwerte.

Pero dunay mga gipang-usab nga lyrics si Father sa duha ka kanta nga nahimong pahinungod sa Makagagahum.

Nindot kaayo. Mas makapanlimbawot. Pwede mag-recording ug concert artist kon way lingaw sa simbahan. Ana lang!

***

Sa dihang mikanta na ang pinasidunggang dinapit sa HuNiño nga si Sitti, nakaamgo ko nga ang bossa nova nindot nga relief sa dunggan taliwala sa mga birit sa mga babayeng mag-aawit nga tag-as kaayog mga ting...og.

Giabiba sab si Sitti pero wa kalupig sa abiba ni Fr. Alcayaga. O-ha!

***

Wa ko makatan-aw sa live presentation sa Party Pilipinas niadtong Dominggo kay nag-ninong kog bunyag ni Niño Jhon Serna Mirambel sa Oslob.

Kamao sab diay tang mang-snob no? Dyoks! Hinuon, sa pagka Sabado, nakadungan nakog paniudto ang nag-unang mga bituon sa GMA-7 sama nila ni Starstruck Ultimate Female Survivor nga si Sarah Lahbati, Ultimate Male Survivor Steven Silva, First Princess Diva Montelaba ug Avenger Piero Vergara.

Naabtan pa mi sa grupong La Diva (Aicelle Santos, Maricris Garcia ug Jonalyn Viray). Silang tanan nagpasundayag sa SM City Cebu entertainment plaza niana gyong hapona.

Wa sab gihapon ko katan-aw kay milarga na dayon ko human sa kukabildo uban sa mga kahibalong mo-Binisaya nga sila si Diva, Piero ug Steven.

Tambok diay ni si Steven sa una nga nakita namo sa retrato sa iyang I.D. sa California Culinary Academy. Plano niyang magtukod og restawran sa Davao nga seguro modalit og mga pagkaong French. Sosyal!

Artistahon si Pierro. Tsoy-tsoy sab kay may dugong Katsila ug British. Kamao sab siya mohimog mga kanta. Paborito niya ang alternative. Sila si Dingdong Dantes ug Josh Hartnett ang iyang mga idolo.

Mantalaba gyud ang tinuod nga apelyido ni Diva pero gihimo kuno kining Montelaba sa mga bosing sa GMA 7. Naka-audition na siya alang sa mga umaabot nga teleserye sa GMA 7 pero wa pay balita kon nadawat ba siya.

Di lang ordinaryong mag-aawit ang iyang tumong kon dili performing actress gyod. Bongga! Si Marian Rivera ug Dingdong Dantes ang iyang mga paborito.

Sa pikas network, ganahan siya ni Toni Gonzaga.