Sityo gihimoag kanal sa barangay

Tuesday, February 9, 2010

NILIHOK na ang mga barangay opisyal sa Carreta, siyudad sa Sugbo aron masulbad ang pagbaha sa sityo Negative.

Kagahapon gisugdan na ang paghimo og drainage system nga kaagian sa tubig nga mibaha sa mga lumolupyo nga nagpuyo likod sa extension sa barangay hall.

Have something to report? Tell us in text, photos or videos.

Click here for stories and updates on the Sinulog 2010 Festival.

Ang Muaña Construction, kinsa maoy nitrabaho sa extension sa barangay hall, mao usab ang naghimo sa drainage system.

Ang mao nga construction company nipadala og mga tawo aron pagsusi sa dapit nga gireklamo sa mga lumolupyo.

Si Peter Muaña, tag-iya sa kompaniya, nisaad nga makigtambayayong sa Dept. of Public Works and Highways (DPWH) ug mga barangay official.

Apan matod niya nga wa silay tulubagon kay wa silay gihilabtan nga drainage system ug wa sab kini sa ilang kontrata.

Wa masayri kon mobayad na ba sab og dugang ang kagamhanan ning dugang trabaho.

Asoy pa sa mga residente sa maong lugar nga daghan na sa ilang dapit ang nasakit tungod sa hugaw nga tubig.

Kadaghanan sa mga biktima niini mao ang mga bata.

Duha na ka mga semina nga nag-antos sa baha ang mga residente tungod sa pagtukod og extension sa barangay hall nga nakaguba sa daan nga drainage sa maong lugar.

Nipasangil ang pipila ka mga lumolupyo nga wa dayon aksyuni ni brgy. captain Eduardo Lauron ang ilang reklamo.

Mao nga napugos sila pagdangop sa mga sakop sa media aron masayran ang pait nilang kahimtang. (Viah Borbon, Joyce Enriquez, Amy Logan-SWU INTERNS)