GIDEKLARAR sa konseho sa barangay Lahug, siyudad sa Sugbo nga ubos sa state of calamity ang sityo San Jose nga nasunogan niadtong Martes sa gabii.

Atol sa ilang sesyon kagahapon, nagkahiusa sa pag-uyon ang mga opisyal sa barangay nga ideklarang ubos sa state of calamity ang nahisgutang sityo aron makapagawas sila og calamity fund nga magamit sa pagtabang sa mga biktima sa pagpalit og housing materials.

Sun.Star accepts donations for victims of Typhoon Ondoy

Hinuon wa pa matino kon pila ang kantidad nga ilang ipagawas kay gipasusi pa ni Kapitan Mary Ann delos Santos kon pila gyud ka mga pamilya ang apektado sa sunog.

Gimando na usab nila sa ilang treasurer kon pila ang ilang available nga pundo.

Giklaro sa Cebu City Fire Department nga moabot sa P6.7 million ang danyos sa sunog nga hingpit nga niugdaw og 32 ka mga bay ug gagmay’ng bay patigayon ug dunay laing lima ang partially burned.

Ang sunog nga nadawat alas 8:45 sa gabii nakontrolar sud sa 48 minutos ug gipaubos sa task force alpha.

Wa pa hinuon makompirmar kon kandila ba gyuy nakaingon sa sunog apan matod ni FO3 Antonio Gonzales nga naggamit gyud og kandila ang pamilyang Magno diin sa ilang bay nagsugod ang kayo kay naputlan sila og kuryente. (CPL)