Siyudad malinawon atol sa Manny-Clottey fight

Sunday, March 14, 2010

SAMA sa gipaabot, ang kapulisan sa siyudad sa Sugbo way natalang krimen atol sa away ni Manny Pacquiao kagahapon sa udto batok kang Joshua Clottey.

Tungod ba kaha kini kay nitan-aw ang tanang mga tawo sa Sugbo sa away maong bisan ang mga dautang elemento way panahong mohimo og krimen?

Have something to report? Tell us in text, photos or videos.

"The Manny Pacquiao Blog". Click here for stories and updates on the Filipino boxing champ.

O, tungod usab sa gihimong roving sa mga sakop sa Mobile Patrol Group (MPG) sa nagmingaw nga kadalanan ug pagpahigayon og checkpoint sa pipila ka mga presinto sa kapulisan?

Si Cebu City Police Office (CCPO) director Patrocinio Comendador Jr. nitug-an sa Sun.Star Superbalita nga base sa ilang talaan, ang Sabado ug Dominggo maoy dunay dunay daghang mahitabong krimen itandi sa weekdays apan kagahapon, zero-crime gyud ang siyudad.

Hinuon, gipaabot na sa kapulisan nga magmingaw gyud ang siyudad kagahapon tungod sa away ni Pacman.

Matod ni Comendador wa sila mokompiyansa ug iya gihapong gipa-alerto ang iyang mga sakop tungod sa niaging away ni Pacquiao batok kang Miguel Cotto niadtong
Nobyembre sa niaging tuig, dunay usa ka pagpanulis sa PUJ sa Osmena blvd. ang nahitabo.

Ang mga police station nga nagpahigayon og checkpoint atol gyud sa oras sa away mao ang Fuente, Mabolo ug Pardo.

Apan matod ni Comendador nga way gi-report kaniya ang iyang mga tawo nga dunay nahitabong krimen ug wa sab silay nasikop atol sa checkpoint.

Alas 6 pa lang sa buntag sa pag-asumir sa unang shift sa base control operator sa MPG hangtod na sa ilang pag-off mga alas 2 sa hapon, wa gyud silay nadawat bisan usa ka alarma.

Sa wa pa nagsugod ang away, gi-check usab ni Comendador ang ilang operation center ug gimandoan ang mga hepe sa tanang presinto nga mo-report kon dunay mga panghitabo sa ilang area of jurisdiction.

Pipila ka minutos human sa away, dihang subling gi-check ni Comendador ang operation, negatibo sa dautang mga panghitabo ang tanang presinto.

Negatibo usab sa mga alarma ang Theft and Robbery Section ug Homicide Section hangtod kagahapon sa hapon.

Dunay report sa mga tawong diriyot magsinukmagay sud sa mga dapit diin dunay gihimong pay per view, apan matod ni Comendador normal ra kining mahitabo ug hangtod nga di kini mahimong bayolente, di gyud kini nila makonsiderar nga dakong kaso. (CPL)