WALDORF, Maryland — Sa gikaingon ko na, mosantop gyud sa kulbahi-nam ang panag-engku-wentro ni Milan Milendo ug sa langyawng ug kanhi world champion nga si Carlos Tamara sa Colom-bia niadtong Sabado sa gabii sa Waterfront Hotel-Lahug, dakbayan sa Sugbo.
Wa ta makakita sa gikahinaman unta nato nga panagsangka, apan pipila lang ka gutlo naka-hibawo gilayon kita sa resulta pinaagi sa pagpa-kig-chat sa atong higalang journalist/boxing judge nga si Salven Lagum-bay.
Sa nilabayng duha ka promosyon sa Water-front, daghan ang nanguli nga nagbagulbol kay wa matagbaw sa ilang nasak-sihan, apan niadtong Sabado, wa gyud silay angay kamahayan sa ilang pulta.
Gipakita ni Milendo ang kaisog, ang iyang lig-ong determinasyon, kauto-kan ug resistensiya sa away nga maoy nakapa-hugyaw og maayo sa iyang mga dumadapig.
Pakyas man tuod siya sa iyang tinguha nga pakamangon sulod lang sa lima ka round si Tamara apan ang iyang inawayan gikan sa sinugdanan hangtod sa katapusan maoy nakakombinser sa kadaghan nga he is ready for a world title fight.
Pagmatuod niini mao ang iyang limpiyo nga record, 23-0, 7 KOs, ug kaluoy sa Diyos, duha niini - nga sila si Tamara ug Muhammad Rachman nga iya usab nga gipildi sa niaging tuig - pulos mga kanhi world champions.
Sa kalidad karon ni Milendo, daghan ang nagtuo nga siya maoy ikaduhang mahimong world champion sa kampo sa ALA Boxing Club, sunod ni minimum world king Donnie Nietes ug posibling mahiuna pa sa much-publicised nga sila si Rey “Boom Boom” Bautista ug AJ “Bazooka” Banal.
I just hope nga ang sunod niyang awayon mao na gyud ang kasamta-ngang kampiyon. Let Milendo fight IBF flywe-ight titlist Moruti Mthala-ne sa South Africa.
***
Bisan asa ka nga state diri sa US mahidagsa, ang American football mao gyuy paboritong events sa kinatibuk-an. Di pa ko kaayo sinati sa mga lagda niining American football pero kon wa ko masayop mao ra siguro ni sa gitawag og rugby sa ubang nasod.
Last week, sa wa pa ko mobiyahe diri sa Maryland, gidala ko sa akong sister nga si Mimi sa Cowboys Stadium aron patan-awon og duwa sa football, pila lang ka adlaw human kulataha ni Manny Pacquiao si Antonio Margarito.
Tuod man, sulod sa stadium, makita nimo kon unsa gayud ka fanatic ang mga tawo sa football. Kon ang attendance sa away ni Pacquiao ug Margarito miabot og 41,000 kapin nga alang kanato dako na kaayo, sa ilang football diri, elimination round pa gani unya ang nagduwa dili pa mga maayong teams sa torneyo, ang crowd miabot og dul-an 100,000.
Ang nagduwa niad-tong tungora, ang host Dallas nga adunay 2-7 nga record ug ang Detroit Lions nga may 3-8 nga baraha. Unya ang kasa-garan manan-aw magsul-ob sab sa jersey sa team nga ilang labanan.
Hasta kita diri nga wa makasabot sa duwa, madala na lang sab ta sa intensity sa mga duma-dapig sulod sa stadium. Ma-imagine nako kon unsa kaha kon mag-championship na.
Pero ang gikatingad-an sa atong kauban nga sports editor sa Sun.Star-Cebu nga si Mike Limpag kon nganong gitawag man kuno ni og football nga di man unta tiil ang perming gigamit ini. Bitaw sad no. Kini maoy angay nakong ipatubag diri.
email add: junmigs0622@yahoo.com