BATAN-ONG sakop sa M. Lhuillier Shooting team maoy kampiyon sa Australasia Level IV 3-Gun international championship nga gipahigayon niadtong Oktubre 20-23 nga gisalmotan sa 1,000 ka mga partisipante didto sa Clark Eagle Shooting Range sa West Airfield Clark Pampanga.

Si Kevin Alih Cortes, 19 anyos, maoy mipatugbabaw sa standard division (21 years old and below) batok sa kapin sa 300 ka mga partisipante sa maong division.

"The Manny Pacquiao Blog". Click here for stories and updates on the Filipino boxing champ.

“Wala gyud ko magdahom nga ako ang mo-champion kay International man, sa 2nd Stage confident nako ug nakuha gyud ang akong rhytm. Gawas sa mga Pinoy dunay say mga foreigner nakong kontra,” batbat ni Cortes.

Si Cortes 19 anyos, 4th year BS Mechanical Engineering sa USC-TC, lumad nga taga A.C. Cortes, Alang-alang, Mandaue City.

Siya usab ang Visayas Junior Shooting champion. Sa iyang talagsanong kalampusan, ang M. Lhuillier Group of Companies, pinaagi sa tag-iya nga si Michel Lhuillier, mipahalipay kaniya og P50,000 nga cheque atol sa gihimong courtesy call kagahapon sa Pino’ Filipino Cuisine-Lahug.

Misaksi sa pag-turned over sa tseke mao sila si Atty. Bayani Atup, legal counsel sa M. Lhuillier, ug sa samang higayon team manager, Mr. Michael Roma, Marketing and Promotions officer, teammate Jay Vincent Jumapao ug Mr. Joel Del Prado, manager sa Pino’, ug ang ginikanan niini.