Sugilanon: Duda ni misis

Wednesday, March 10, 2010

Pons M. Abatayo
Cahipa, Hipodromo, Cebu City

“DANY! Makit-an ta gani ka nga nagbinuang nako, putlan ta gyud ka’s imoha!” matod ni Sally ngadto sa iyang bana.

Have something to report? Tell us in text, photos or videos.

“Sus, darling, text ra na, uy!” ni Dany nga nasakpan nga may ka-teks-sex sa selpon.

"The Manny Pacquiao Blog". Click here for stories and updates on the Filipino boxing champ.

“Wa gyud ka matagbaw? Di man gani ko nimo lung-an sa adlaw, sa gabii ug sa kaadlawon, modaginot pa gyud!”

“Ay, kanimo, darling. Mao gyud nang bana,” matod ni Dany. “Tagbawon gyud sa pagmahal ang asawa.”

Dugay silang nagkauyab sa wala pa sila maminyo. Nasayod daan si Sally nga palikero kaayo si Dany. Apan nisaad kini nga kon maminyo na sila, itingob na kang Sally ang iyang pagmahal.

Usa ka higayon niana gipangita ni Sally si Dany.

“Helen, hain man si Kuya Dany mo?” sukot ni Sally sa seksi nilang katabang.

“Naa sa kwarto ninyo, Ma’am. Maglimpiyo unta ko pero pag-abli nako naghubo man.”

“Unsa? Wa gani na kaugpo nako gabii kay hubog kaayo!” ni Sally nga nagpaminti sa kalagot. Giadto dayon niya kini, apan sa ablihan na unta niya ang pultahan sa ilang kuwarto nabati niya ang tingog ni Dany.

“Oh, Darling Katrina, sige pa…!” mga pulong ni Dany gikan sa sulod.

Gitukmod ni Sally ang pultahan.

“Naunsa ka god, darling? Kuyawan man lang ta nimo!” ni Dany nga midali pagbangon.

“Uy, Dany, pagtarong ha! Kinsa na man sab tong imong gikabuangan?” singgaak ni Sally.

“Sus, bisag nagdamgo lang ta, mangabubho pa gyud!”

“Pastilan nimo, Dany, wa gyud kay pasayluon. Sa teks naa si Mina, sa damgo naa si Katrina.”

Apan napuypoy da si Sally sa karinyo sa iyang bana.

“Basta, naa gani kay kulukadidang, kuhaan tika gyud, basta lagi…” panaad ni Sally.

UNYA usa ka buntag niana sa dayon nang lakaw ni Sally padulong sa opisina.

“Dany, tingali madugay ko og uli kay may miting mi sa opis.”

Igo lang miyango si Dany.

Nianang pag-uli na ni Sally.

“Uy, wa may suga,” matod niya sa hunahuna. “Hinuon, hayag pa man.” Midiretso siya sa kusina aron mokaon.

Nahinumdom si Sally nga nianang adlawan pa gisugo niya si Dany sa pag-ayo sa koral. Tingali gikapoy kay wala maanad sa maong trabaho, busa nahikatulog. Human mokaon mipaingon siya sa ilang kuwarto, apan sa ablihan na unta niya ang pultahan may nabati siyang tingog sa babaye.

“Ayaw lagi, sir, sakit kaayo… nagdugo na,” tingog ni Helen gikan sa sulod sa ilang kuwarto.

“Sige na, hinayhinayon lang god nato…”

Wa na makaagwanta si Sally sa gibuhat ni Danny ug Helen. Giablihan niya pagkalit ang pultahan.

“Naunsa ka god, Sally? Kuratan man lang ta nimo!” ni Dany nga nagdiyong ang nawong nga mitan-aw sa asawa.

“Unsay naunsa? Nag-unsa mo dinhi?” milanog ang tingog ni Sally sa kasuko.

“Aw, akong gitambalan si Helen kay daghang samad ganiha sa among giayo nga koral.”

Nanglipaghong si Mises. Wa diay dautang gibuhat si Mister. (KATAPUSAN)