Sugilanon: Gaba

Monday, August 30, 2010

Ernesto Dael Pacaña
Jasaan, Misamis Oriental

BISAN asa natanom na sa kinabuhi sa tawo nga naa kining gaba.

Have something to report? Tell us in text, photos or videos.

Ang tawong relihiyuso kalagmitan molitok sa pulong ‘gaba’ panahon kon may madisgrasya. Ug kinsa man kinig makagaba? Dunay moingon nga gigabaan ilabi na kon dunay mahitabo sa usa ka tawo. Tungod kun okay nakalapas siya sa katungod sa ubang tawo.

Si Nardo usa ka tawo nga dili motuo nga nay gaba kay alang kaniya kining ‘gaba’ imbento lang kini sa mga tawong matuotuohon. Kining gaba, niya pa, gigamit sa mga relihiyuso aron ipatuo nga naay Diyos nga tinubdan sa gaba.

Updates on President Benigno Aquino III's presidency

Nangulitawo si Nardo kang Rosalie, usa ka maanyag nga dalaga ug magtutudlo sa elementarya. Dili kaayo guwapo si Nardo apan alang kang Rosalie nakagusto siya sa ulitawo.

“Nganong si Nardo man gayud ang imong gihigugma? Maayo ra ba kon guwapo!” saway sa maguwang lalake ni Rosalie.

“Husto nga di ko matudloan ang akong kasingkasing sa lalakeng akong higugmaon,” ni Rosalie. “Sagdi lang god, Nong. Kinsay nasayod nga mahimo siyang usa ka buotang bana damlag!”

Ang hinungdan nga supak ang magulang ni Rosalie kang Nardo kay kini dili motuog gaba.

Usa ka pilosopo nga tawo nga dili maayo nga kaliwat maoy palambuon sa kalibutan. Ang magulang ni Rosalie naa mag-alagad sa simbahan.

Tungod sa gugma ni Rosalie kang Nardo nagpakasal sila. Si Rosalie gani maoy nigasto sa kasal kay ang mga ginikanan ni Nardo way kangho. Daghan gani ang nag-ingon nga morag buang si Rosalie nga nakigminyo kang Nardo.

Sa sinugdanan usa ka buotang bana si Nardo. Nalipay si Rosalie.

Apan paglabay sa pipila ka bulan namatikdan ni Rosalie ang dakong kabalhinan ni Nardo. Nakat-on na si Nardo sa paghubog-hubog. Naay mga adlaw nga mopauli si Rosalie nga way pagkaon nga giandam si Nardo alang kaniya.

“Unsa ba ikaw, Nardo? Nganong gipasagdan mo lang ang imong asawa nga maoy magbugha og kahoy?” masuk-anong sukna sa magulang ni Rosalie. “Walay ulaw kang banaha ka! Gipakaon lang sa asawa!”

“Hoy, Manoy! Wa kay labot!” tubag ni Nardo. “Minyo na mi si Rosalie, busa ayaw pagpanghilabot!”

Daghan pang nabuhat si Nardo nga walay tawo nga miangay.

Nagluib siya kang Rosalie dihang gikabit ang ig-agaw ni Rosalie. Gibati ni Rosalie ang kaguol dihang talagsa na lang mopauli si Nardo sa ilang balay. Kanunay na siyang nag-inusara.

Bisan ang iyang ugangang babaye misugyot nga biyaan na lang niya si Nardo kay iresponsable nga pagka bana.

“Ang maayong buhaton mo, Rosalie,” tambag sa ilang prinsipal sa esluwelahan, “bulagi si Nardo aron di ka mabutang sa kaalaot!”

“Mao bitaw kana ang akong buhaton, Sir!” ni Rosalie nga naghilak.

USA ka adlaw niana samtang didto si Rosalie sa eskuwelahan, mao na lay iyang nasagap ang balita nga si Nardo ug ang iyang kabit nadisgrasya sa gisakyang motor. Nibuto ang ligid sa motor ug nabangga sa punoan sa lubi. Nakabsan sa kinabuhi ang duha nga wala na makaabot sa tambalanan.

Kadtong mga silingan ni Nardo ug sa iyang kabit nag-ingon nga kuno sila gigabaan tungod sa ilang gibuhat kang Rosalie. Apan may mga tawo sab nga nag-ingon nga kon gigabaan si Nardo ug ang iyang kabit, nganong sila ra man ang gigabaan nga daghan pa mang mas labaw kanilag dautang binuhatan? (KATAPUSAN)