Sugilanon: Gustong tulison pag-usab

Monday, March 15, 2010

Mar O. Rabaya
Sarasota, Florida, U.S.A.

DAKO nang pagkausab ang pagkatawo ni Antik sukad nahimo siyang barangay tanod sa San Roque. May pagkabadlungon siya kaniadto.

Have something to report? Tell us in text, photos or videos.

Adik ug kiriwan. Gani ang iyang uyoan sa Amerika medyo way pagsalig kaniya. Apan lain ang pangagpas ni JunCab.

Nagtuo gayud siya nga ‘kulang sa pansin’ ug ang tambal batok sa bisyo ni Antik mao da ang husto nga pag-agak ug pagtagad sa iyang suliran. Lagi kay midaog man sa barangay election isip Barangay Captain, gipatawak si Antik ni Kapitan JunCab ug gitudlo nga tanod alang sa San Roque.

"The Manny Pacquiao Blog". Click here for stories and updates on the Filipino boxing champ.

Nagtinarong si Antik sa iyang trabaho. Gitugyan na diha kaniya ang kalinaw ug kahusay sa balangay lakip na gani ang pag-atiman sa buhatan ni Kapitan JunCab.

Wa gyud masayop sa iyang pagtuo ang batan-ong kapitan. Wagtang na karon ang tanang bisyo ni Antik ug nagtuman na siya sa katungdanan subay sa gimbut-an sa balaod ug sa takdo nga pamatasan. Lahi na si Antik karon…!

Sa iyang pagpatrolya sakay sa biseklita usa ka hapon niana sa hapit na ang kilumkilom, nasugatan ni Antik si Tiling nga nagkaangkaang ang linaktan sa awaaw nga barangay road sa San Roque. Naghilak nga nagbitbit sa iyang panti samtang naglakaw.

Dalagang gulang si Tiling ug wa maminyo kay nabaniog nga maldita ug himantayon pa gyud. Ang mga ulitawo sa balangay hasta sa silingang mga dapit daw miayad kaniya. Way naibog sa maong dalaga.

“Uy, Tiling… naunsa nga naghilak ka man?” pakisayod ni Antik dungan ang paghunong ug nanaog sa iyang biseklita.

“Huhuhu… salbahis tulisana! Wa gani kog magminyo kay di ko gusto ana, gihilabtan pa gyud!” tubag ni Tiling nga nagbakho.

“Gitulis ka…? Tug-an lang aron tabangan ka nako!” sanusano nga pangutana ni Antik.

“Tulis molang! Gilugos pa gyud tawon…!” misamot ang pagbakho sa dalaga.

“Unya, hain paingon ang tulisan?” dugang pakisusi ni Antik.

“Tua dagan sa unahan human makadimol sa akong kahuyang. Dili na nimo siya maapsan!” mipatin-aw si Tiling.

Gilantaw ni Antik ang unahan. Morag layo gyud. Mao nga mipahimangno na langsi Antik kang Tiling, “Na hala, isul-ob pagbalik kanang imong tapaludo ug mag-abot kita sa barangay hall.”

Apan mibalibad si Tiling sa pahimangno ni Antik.

“Ayaw lang, Tik. Bitbiton ko lang ang akong panti ug padayon lang ko sa akong jogging. Basin pa diay dunay laing tulis sa unahan…!” dayong lakaw ni Tiling.

Nahingangha si Antik nga misiyaok, “Uy, Tiling… ayaw pabadlong, Day…!”

“Magbuot diay ka…” tubag-sulinga ni Tiling nga misutoy paglakaw. Nasuko ug wa manumbaling sa siyaok.

Si Antik nga naglibog sa gipasabot ni Tiling igo lang nangutkot sa iyang hubon ug dayon miangkas sa iyang biseklita padulong sa barangay hall sa San Roque. (KATAPUSAN)