SUPORTAHAN sa dakbayan sa Mandaue ug Lapulapu ang sugyot ni Cebu City vice-mayor Joy Augustus Young nga magporma og regulatory body alang sa running events sa Sugbo.
Si Lapu-Lapu City consultant on sports nga si Norvi Ymbong miingon nga ang pag-ayuda sa tulo ka siyudad maka-promote sa Cebu isip dapit sa turismo.
“I can’t speak in behalf of the city but my personal opinion on this, is okey kaayo ni because we can coordinate with the key cities of Cebu,” matod ni Ymbong.
Ang Lapu-Lapu City mi-host sa ilang ikaduhang Great Lapu-Lapu Run sa niaging Mayo diin miabot ngadto sa 4,000 ka mga runners ang misalmot.
Sa ilang bahin, si Mandaue City Sports Commission chairman Atty. Hidelito S. Pascual, misuporta usab sa sugyot ni Young.
“We’re okey with it as long as it has a good set of objectives on why there is a need to form a regulatory body on running. I have no problems with that,” dugang ni Atty. Pascual.
Kon kahinumdoman, si Young mipadungog ning maong sugyot sa tuyo nga di magkadungan og pahigayon ang mga lumba sa dagan.
Matod ni Pascual nga andam silang motambong kon duna man gani meeting nga ipatawag.
Si Ricky Ballesteros, manager sa Cebu City Sports Center, kinsa tigpasiugdan usab og marathon, mibutyag nga nalipay kaayo siya nga adunay grupong maporma nga representahan sa nagkalainlaing sports commissions.
“It’s a good idea, I hope this proposal will push thru,” matod ni Ballesteros.
Ang committee mao usab ang mosuta kon naka-comply ba usab ang organizer sa mga rekisitos sama sa medical stations, water stations, marshals ug security officers.
“This is a good a sign that the running community continues to grow in Cebu,” dugang ni Ballesteros. “Problems can be avoided because the regulatory body can monitor and control the runs in Cebu.”