Susihon kon wa bay tulubagon ang JLR sa flash flood sa Naga
Thursday, September 2, 2010
More Sections
PADAYON nga susihon sa Mines and Geosciences Bureau (MGB) 7 ang posible nga tulobagon sa JLR Construction and Aggregates Inc. (JLRCAI) sa pagsuyla sa sapa sa barangay Cogon, dakbayan sa
Ang maong flash flood nga niigo sa sityo Cabuan, Cogon, Naga City maoy hinungdan sa pagkalumos sa duha ka mga managsuon samtang nagsubay sa sapa uban sa ilang apohan ug laing igsuon niadtong Dominggo.
Have something to report? Tell us in text, photos or videos.
Updates on President Benigno Aquino III's presidency
Base sa press statement sa rehiyonal director sa MGB, Loreto Alburo, sila nirekomindar nga mobutang og mga warning sign sa mga hazardous area ingon man drainage system.
Nisugyot usab si Alburo nga ipahigayon ang systematic mining operations pinaagi sa pagsubay sa husto nga benching ingon man paghimo sa ilang construction sa access road o trail.
Namatikdan ni Alburo nga ang agianan sa maong quarry firm nagsubay duol sa Guindarohan river nga mao ra usab ang gigamit sa mga residente.
Nasayran nga ang JLRCAI adunay lisensiya gikan sa Department of Environment and Natural Resources (DENR), apan susihon usab sa DENR ang posible nga kalapasan nga nahimo sa mga quarry firm.
Nakakuha usab kini og approval nga Mineral Production Sharing Agreement alang sa 336 ka ektarya sa barangay Cogon.
Gani aduna usay giluwatan nga permit ang Environmental Management Bureau nga Environmental Compliance Certificate (ECC) sa JLRCAI.
“We’ll revisit the approved annual environmental protection and enhancement program of JLRCAI for their basalt operations in Barangay Cogon… if there are certain provisions there which have not been fully implemented and violated,” matod ni Alburo.
Ang mga tulo ka mga magsuong Paran ningkuyog sa ilang apohang babaye sa pag-adto unta sa balay niini niadtong Dominggo sa hapon.
Apan samtang sila nanaglakaw, kalit lang nahitabo ang flashflood.
Ang duha sa mga magsuon nangamatay samtang ang usa nakuptan sa ilang apohan hinungdang naluwas. (FVQ)
