DUHA sa tulo ka mga Pinoy nga mga suspek sa pagpatay sa duha ka mga Koreano ug gilakip sa pagkiha nitumaw sa buhatan sa Regional Intelligence Division (RID) kagahapon.

Mga duha ka semana na ang nakabalay, mga Koreanong sila si Choi Hu Jun, ug Yang Soon Suk gipatay ug gilabay sa barangay Uling, lungsod sa Naga.

"The Manny Pacquiao Blog". Click here for stories and updates on the Filipino boxing champ.

Sa imbestigasyon, nailhan ang suspek nga Korean national gihapon nga si Park Tae Sung, magpapatigayon ug adunay kaso sa South Korea, hinungdan nga nisibat dinhi sa Sugbo.

Gawas sa Korean national aduna kiniy uban nga laing Koreano.

Apan kagahapon duha sa tulo ka mga Filipino ang nipatim-aw sa buhatan sa RID-7 pinangulohan ni Senior Supt. Melvin Buenafe.

Ang nipatim-aw mao sila si Bryan Flores, taga V. Rama, Cebu city ug si Ruel Abilo, Taga Bulacao.

Ang duha niangkon nga didto sa ilang shop patya ang mga biktima kay didto man kini dad-a sa mga suspek, apan wa gyud silay labot sa pagpatay.

Si Chief Insp. Romeo Santander deputy chief sa RID-7 niingon nga ang duha wa motahan tungod kay wala paman usab molusot ang warrant of arrest. (DRT)