SUNUD-Sunod nga duha ka mga kapildihan ang nahi-aguman sa University of San Jose-Recoletos (USJ-R) Jaguars human kini gitukob sa Partner’s cup champion Southwestern University (SWU) Cobras pinaagi sa overtime period, 79-86, sa College Division atol sa niaging gabii sa 2nd Emil’s Fresh Chicken Fiesta Cup Open basketball 2009 sa Lipata Sports Complex sa Brgy. Lipata, Minglanilla, Cebu.

Ang Jaguars ni coach Edito Salacut nga unang gipukan sa DBTC Greywolves sa opening day, nag-ung-ong na gyud unta sa kadaugan sa himatyong segundos sa regulation period, 67-65, apan ang layup ni Eleazar Armecin sa SWU maoy nakapatabla, 67-67, nga nakapapugos sa overtime.

"Matod Pa Sa Lola ni Noy Kulas." Join the story-writing contest on Cebuano folklore and win prizes.

Sa extension period, ang panaghugpong nila ni Poligrates, Jalandoni ug Pria maoy nagbira sa Cobras sa ilang ikaduhang kadaugan nga sa samang higayon maoy naghatag kanila sa solong liderato.

Sa ikaduhang duwa, naangkon sa M. Lhuillier-Lipata Branch ang kulbahinam nilang kadaugan batok sa Garces Brothers dihang ilang gipatapsingan, 78-77, sa commercial division.

Aduna untay kahigayonan nga modaog ang Garces Brothers sa naghinapos nga segundos apan ang three-points shot ni kanhi UV mainstay Jurie Violango igo lang nisimhot sa ring.  puntos matag usa:

Unang duwa:

SWU (86) - Poligrates 30, Armecin 14, Pria 11, Jalandoni 10, Gallarde 10, Pacquiao 6, Django 2, Litorja 2. USJ-R (79) - Duran 19, Bibera 15, Pateño 14, Amores 12, Villaver 11, Suliman 5, Lapiz 3. Referees: A. Reley, A. Catibud, M. Caumeran.

Ikaduhang duwa:

M. Lhuillier (78) - Solis 26, Tabar 19, Brigoli 14, Sanoy 11, Anderson 4, Restauro 2, Cabuenas 0. Garces Bros. (77) - Gonzaga 20, R. Aniñon 16, E. Aniñon 11, Abapo 10, Seguerra 9, Violango 7, Dy 2, Navaja 2, J. Garces 0. Referees: E. Dejacto, P. Lalican, A. Catibud (Daniel Quindao Guden)