Tag-iya sa ammonium nitrate nailhan: Digal
Tuesday, March 16, 2010
More Sections
NAILHAN na sa kapulisan sa lalawigan sa Sugbo kon si kinsa ang tag-iya sa ammonium nitrate nga gibiyaan sa nasunog nga awto sa lungsod sa Tabuelan, Sugbo.
Kahinumdoman niadtong niaging semana usa ka awto ang gibiyaan sa lungsod sa Tabuelan nga adunay pito ka sakong ammonium nitrate ug mga blasting caps nga himuon nang dinamita.
Have something to report? Tell us in text, photos or videos.
Sigun sa report gibiyaan sa drayber ug sa usa ka sakay nga babaye ang awto samtang usa ka SPO1 Camilo Abaquita sakop sa Tuburan Police Station ang kalit niabot ug maoy nidala sa mga kemikal ug mga blasting caps sakay sa van.
Click here for Election 2010 updates
Samtang paghiabot sa police station wala na ang mga blasting caps ug usa ka sakong ammonium nitrate hinungdan nga gipailawom sa imbestigasyon ang maong pulis.
Si Senior Supt. Erson Digal nibutyag nga ila nang nailhan ang sakay sa awto ingon man ang babaye nga giingong maoy nagpayuhot sa mga kemikal aron buhaton og dinamita alang sa illegal fishing sa ika-upat nga distrito sa Sugbo.
Matod ni Digal nga bisan ug nihimakak ang maong pulis sa pasangil posibli karong adlawa moabot na ang investigation report sa Tabuelan Police Station labot sa hitabo.
Nagkanayon si Digal nga kon tinuod ang report nga nanghilabot ang maong pulis ila kining pasakaan og kaso lakip na ang tag-iya sa awto.
