NAGPADAYON ang tensyon sa sitio Villamangga, Barangay Opao, siyudad sa Mandaue.

Ang mga lumolupyo sa dapit ning-alegar nga dunay namatikdan nila nga goons nga gikuha sa usa ka pamilya nga buot moangkon sa luna nga nasunog niadtong Septiyembre 30 nga nakaapekto sa di mominos 146 ka mga pamilya.

Sun.Star accepts donations for victims of Typhoon Ondoy

Si Allan Calinawan, usa sa ka molupyo sa dapit, nipasabot sa Sun.Star Superbalita di tungod sa pagkoral sa dapit ang hinungdan sa kagubot niadtong Sabado apan, tungod sa pagdemolis sa usa ka balay nga way insaktong proseso sa korte.

Matod ni Calinawan, sila andam nga mobiya sa dapit kon duna nay pinal nga hukom sa korte, di ipaagi sa pagpanghulga sa pamilyang Prada nga niangkon sa dapit nga nasunogan.

Dugang ni Calinawan, kuwestyonable ang tag-iya sa luna kay dunay laing claimant kini ug ang ilang kaso nag-ung-ong pa sa Branch 28 sa korte sa Mandaue. (RRM)