Mga duwa karon(USC Gym-main)
2:30 pm Hapee On-line batok SHS-Jesuits jrs.
4:00 pm Iran batok Japan
6:00 pm RP team batok Chinese Taipei (Taiwan)

NAGKINAHANGLAN pa sa singko minutos nga overtime period ang title-favortie Islamic Republic (IR) Iran usa pa nabuntog ang Chinese-Taipei (Taiwan), 93-81, sa pagsugod sa Nokia Pilipinas 2nd Youth Invitational Basketball Championship 16 years old & below sa University of San Carlos gym main campus.

Sa usa ka talagsa-ong senaryo sa basketball, ang Chinese-Taipei nga naila sa ilang pagkahinigo, wa makapuntos sa kinatibuk-ang singko minutos nga maoy naghatag sa Iran sa wanang nga dalan sa kadaugan.

Sun.Star accepts donations for victims of Typhoon Ondoy

Ang 12-0 nga rally nga giduslitan ni Soheil Yousefi maoy nahimong yawi sa mga Iranian kinsa nakadawat og grabing abiba gikan sa ilang kataganasud nga ania sa Sugbo nanimuyo.

Nagtabla, 81-81, sa regulation period ug diha na untay kahigayonan ang Chinese-Taipei nga mokumkum sa kadaugan apan ang lay-up ni Yang Hsing-chih sa naghinapos nga bahin sa 4th period igo lang nisimhot sa rim ang bola.

Human sa maong opening game, gisunod gilayon ang opening ceromony, nga gitambongan ni SBP Executive Director Noli Eala, Konsehal Yayoy Alcoseba, PSC Commissioner Fr. Vic Uy SVD, mga opisyal sa Nokia ug ingon man mga miyembro sa Rotary Club of Cebu Fuen te pinangulohan sa presidente niini nga si Rady Abarintos.

Atol ning pagsulat magsangka pa ang Host RP team batok Japan.

Puntos matag usa:

Iran (93) - Yousefi 24, Zangeneh 15, Sedighi 13, Mirfattahi 11, Khademnamdari 7, Taherikolahdooz 6, Monji 6, Behzadi 5, Faghihparvar 4, Abediaraei 1 Chinese Taipei (81) - Y. Chen 31, Chung 19, K. Chen 11, Yang 7, Wang 5, Wu 2, Kao 2, Wen 2. (Daniel Quindao Guden)