SA usa ka wala dam-hang panghitabo, dili madayon og away si kanhi two-time world champion Japanese Katsunari Taka-yama karong Sabado sa Mandaue City Sports Complex.
Si Takayama, kinsa bag-uhay lang nipirma og kontrata sa ALA Promo-tions, makig-away unta kang Jayson Rotoni sa Best of Boxing 1.
Apan nasayran pinaa-gi sa text message ni ALA Promotions PR man Chad Canares nga dihang nag-jogging si Takayama, aksidente siyang nadakin-as dihang nilikay siya sa usa sakyanan nga iyang gikasugat.
Sa maong insidente, napiang ang tuo nga kamot ni Takayama hinungdan nga dili na kini makaaway.
Hinuon gipasabot ni Canares nga madayon ra gihapon ang promosyon ug kasamtangan pa silang nangita og ikahulip kang Takayama.
Sa supporting main event, si Bon Jovi Canillas sa Toledo City makigpa-rang gihapon kang kang Dexter Mendoza.
Gikonsiderar si Cani-llas nga maoy usa sa umaabot nga dekalidad nga mga boksidor sa Sugbo.
Kabahin sa mga tiket, mahimong motawag sa ALA Promotions Office sa Talamban (032) 2364611 o sa Mandaue City Sports Complex (032) 343-8056.